هل قيادة السياره سهلة ؟ وهل السائق بالجانب الايمن؟

1. http://www.visitvictoria.com/

درجة الحرارة في ارتفاع حاليا يعني في مدينة ملبورن درجة الحرارة 23 وكل اسبوع ترتفع شي بسيط
والسؤال الاهم ماهي المدينه الاولى في السياحه في استراليا؟ وكيف السياحه بأستراليا؟وماهي النصائح؟
وبرأيكم ماهي افضل طيران الاتحاد او الاماراتيه او الكاثي ام ماذا من حيث الاقل ساعات بالجو ؟ اقصد من الرياض !
على حسب ياخوي يعني انا مثلا عايش في ملبورن اشوف قولد كوست كويسه للسياحه وملبورن فيها فعاليات مهمة وحلوة يعني شوف تقارير الاعضاء وانت تقرر
انا اروح واجي على الاماراتية اعتقد فيه رحلات توقف في ماليزيا وفيه رحلات دايركت من دبي على ملبورن وبرزبن وسدني يبغالك تشيك مع مكتب سفر او من خلال موقعهم
وبالنسبة للسواقه سهلة ونعم الدركسون يمين واذا حتيجي ملبورن ارشح تستاجر سيارة من الشركات المعروفة مثل افياس وتروح للقرى مثل بلارات ، درومانا ، ارثر سيت ، ريد هيل ، جيلونق ، قريت اوشن رود ، توركي ، هولز قاب
وشوف الموقع هذا يعلمك وش الفعاليات الموجودة ووصفها بطريقة حلوة

http://www.visitvictoria.com/

واذا جيت هنا او اي مكان في استراليا ما عليك الا تسأل وين مكتوب الاستسفارات info وراح يفيدونك ويسوون لك الحجز وكل شي
انا شخصيا اخذت بيت في منطقة قريت اوشن رود لمدة يومين وبرضه بيت ثاني في منطقة ماونت مارثا كانت من ا روع الرحلات في حياتي خصوصا البيت فيه مسبح ومنطقة شوي واخذنا راحتنا والاسعار تختلف على حسب البيت وهل هو مطل او لا

كيف الجو في استراليا بتاريخ 20/11/2010 وطالع ؟
بيكون الجو حار لانه بيدخل فصل الصيف والمناطق اللي على البحر بيكون الجو رطب بس بالليل بيكون حلو الجو
ماهي المدينه الاولى في السياحه في استراليا؟
بدون منازع قولدكوست
ماهي افضل طيران الاتحاد او الاماراتيه او الكاثي ؟
الاماراتية حلوة انا جربتها الاتحاد اسمع انها حلوة بعد
والثنتين فيهم رحلات دايركت وترانزيت انت تختار اللي يناسبك
وهل السائق بالجانب الايمن ؟
صحيح

خاص777
يعطيك الف الف عافيه بس حبيت اسالك وش البيوت هل لهم موقع او تلفون؟

فكرة البيوت هي لناس ويأجرونها للمصطافين برسوم تتراوح بين 60$ حتى 2500$ اليوم بعضها مطل وبعضها داخل الاحياء
انا اخذها عن طريق موقع stayz احدد اسم المدينة اللي ابيها واشوف مكانها في الخريطة واشوف البيت لالي يعجبني وارسلهم ايميل ويجيني رد من الموقع وبعد كذا يرسل لي صاحب البيت
ملحوظة
راعي البيت ممكن يطلب منك عربون ويمكن يطلب منك المبلغ كامل .. اذ كان البيت يعني راح تستاجره قريب بعد اسبوع مثلا يمكن يطالب بالمبلغ كامل ولكن اذا كنت بتحجز لفترة قدام يعني ا سبوعين وطالع لا بس عطه عربون والباقي قله كاش او تحويل في حسابك .. وبرضه يمكن يطلب تأمين يوصل 1000$
انا سكنت عندهم مرتين وبصراحه مره متعاونين ومجهزين البيت من كل شي الا الاكل طبعا لكن المناشف والبطانيات وادوات الشوي

اخي الفاضل ...
الاخوة ماقصروا معاك ... على العموم افضل مدينة سياحية في استراليا ... هي القولدكوست ... ومن ثم تاتي بعدها سيدني كمدينة صاخبة ... ومالبورن كمدينة تجارية ... وكيرنز حيث الهدوء والراحة ... اقترح تقسيم الايام على الاقل بين 3 مدن ...
الاجواء في شهر 11 هي آخر فصل الربيع ... الاجواء تكون بشكل عام دافئة تميل للحرارة ... ومثل ماقال لك الاخ الحلو ان الحر عندهم مافيه سموم بالهواء ... ولكن شمسهم حارة تلسع لسع ...
افضل شركات الطيران ... الامارتية ... والسنغافورية ... ومن ثم الاتحاد ... والكاثي باسيفك ... والماليزية ...
تحياتي ...

أخوي ذا أميجرانت أنا ناوي إن شاء الله أسافر استراليا من تاريخ 04 ديسمبر إلى 25 ديسمبر وش اقتراحك بخصوص تقسيم الأيام هل مثلا اروح برزبن وأنزل على جولد كوست مثلا خمس ليالي بعدين أروح بالطيارة سدني وأجلس خمس ليالي بعدين ملبورن خمس ليالي وطريقة الانتقال بين المدن هل أفضل شئ الطائرة؟ طيب أنا سمعت عن جزيرة تزمانيا سمعت أن جوها حلو وفيها مناظر طبيعية هل أروح لها ولا أروح كوينز تاون أيضا بخصوص الفيزا هل راح يعطوني متعددة السفرات ولا سفرة واحدة بيني وبينك محتار بخصوص تقسيم الأيام وش المدن اللي أبدى فيها فكرت أبدى برزبن في الذهاب وفي العودة أرجع مثلا عن طريق ملبورن لاني بجي على الاماراتية هل تقترح ادخل استراليا من مدينة واطلع منها من مدينة اخرى او كيف؟ وش الأفضل؟

ياجماعة الخير مايصير ما ألقى إجابة؟