النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
AhmdQ
29-04-2022 - 06:43 pm
السلام عليكم
اخيرا اليوم خلصنا مع السفارة .. ولله الحمد ماجلست اكثر من 4 دقايق !!
احب اشكرك اخوي عالي مستواه .. فعلا ماقصرت .. وافدتنا كثير ، ورديت على كل الاسئلة
لك كل الشكر والتقدير .. والله يجزاك خير ويوفقك !!
بالنسبة لي اوراقي كانت كامله وجبت كشف 3 شهور .. وكل شي تمام ..
/
الحين نجي للاستفسارات :
انا سويت تأمين في التعاونية .. وعطوني نموذجين .. نموذج مكتوب عليه نسخه للسفاره والنموذج الاساسي
النسختين سويت لهم كوبي .. وحطيت الكوبي مع الابلكيشن .
المهم مع التقديم .. ماطلبت الموظفة الاصل .. ولا شافت الاصل خير شر ولا كوبي الاصل اللي جا من التعاونية .. واصلا انا ماعطيته اياه ..
على حسب خبرتكم ، انهم يدقون علي ويطلبون الاصل .. والا الامور ماشية تمام ؟
/ السؤال الثاني والاهم :
انا سويت حجز في بوكنغ على فنادق في باريس وزيلامسي وميونيخ .. بس حجز استرجاع ..
يعني اخترت ابو نجمه بس عشان اوراق الفيزا .. وبعدين بسوي إلغاء للحجز ، وببتدي امخمخ على الفنادق
ويمكن اخذها من مكاتب .. لانها لقيتها ارخص .
السؤال هنا ::::
هل ابتدي اسوي إلغاء للحجوزات من اليوم ( بما اني قدمت اليوم ) ؟
والا انتظر الى خروج الفيزا من السفارة .. بعد 14 يوم ؟
وهل فيه مشكلة اني اكتب عنوان الفندق في الابلكيشن .. وانا اصلا بغير الفندق .. وماحجزت فيه الا عشان الفيزا !!
شاكر لكم سعة صدوركم !!
فمان الله


التعليقات (6)
foxx109
foxx109
الافضل لك ان تنتظر حتى خروج الفيزا او على الاقل اسبوع بعد تقديمك للفيزا
بس اهم شي تأكد من سياسة الالغاء ,,

AhmdQ
AhmdQ
سياسه الالغاء .. انا مضبطها عشان قبل يوم من دخول الفندق ..
مرتب اموري عشان الغيها من الاساس
بس ابغى اعرف .. متى اكنسل الحجوزات .. وابتدي بالحجز الجديد والاسعار الاقل .. لاني احس اخذتهم بغالي
/
وسوؤال عكس السير
من الاحسن ..
فندق قراند
او فندق نيفادا .. navida اتوقع اسمه كذا مدري
مع العلم ان نيفادا اغلى حبتين ..
وش رايكم ؟

شوكاليطه بيضا
شوكاليطه بيضا
طيب ليش 14 يوم والاغلبيه يقولون 8 ايام
ماتعرف متى اخر يوم دوام لهم ومتى يبدون بعد العيد ؟؟

AhmdQ
AhmdQ
هي قالت لي 14 يوم ،، اتوقع بالكثير
وان شاء الله تخلص في 8 ايام او 10 ايام
بالتوفيق

foxx109
foxx109
الافضل لك يالغالي انك تنتظر حتى تستلم التأشيرة وبعدها كنسل الحجز على طول
التأشيرة تأخذ بحدود 9 ايام وان شاء الله يتصلون عليك .. المهم انها ما تتعدى 14 يوم
اما الفنادق .. فهي على حسب ميزانيتك وعدد الايام وخطة سيرك
اما فندق القراند فهو من اجمل الفنادق في زيلامسي بلاشك ..

AhmdQ
AhmdQ
يعطيكم العافية اخواني
بس الكل يقول قراند سعره مو فيه
يعني زحمة وفشخرة شعبنا اللي انتوا خابرين
وان فيه اماكن وفنادق افضل كخدمة وسعر


خصم يصل إلى 25%