أنا ما أدري ليش ملخبطين أنفسكم ومطلعين تأشيرة إسبانية وانتم بتروحون النمسا
أما ميونيخ من كابرون فالمسافة حوالي 200 كلم

اخوي ابو خالد بعض السفارات لهم طلبات كثيره ولا يطلعون لك التاشيره الا بالطلبات وبعض السفارات مايبون منك الا صورت خشتك وجوازك
بنسبه لي انا مطلعها من السفاره التشيكيه و اول دوله بنزل فيها اسبانيا والتشيك مدري بجيها ولا لا مدري بدخل اسبانيا

عزيزي
السفارات طلباتهم متشابهة لكن اللي يصير تلاعب من المكاتب يضبطون لك كل الأوراق حجوزات وكل شي وبعدين يلغونها , عشان كذا كثير من السفارات منعت المكاتب من مراجعتها وبعضها لم تعد تعترف بالحجز من المكاتب وهكذا
وكثير من المسافرين اللي يقدمون عن طريق المكاتب ترفض تأشيراتهم وجتنا في المنتدى شكاوي كثيرة لأن المكتب يأخذ أتعابه سواء طلعتالتأشيرة أو لا
قل لي مثلا لو صار لك مشكلة هناك وانت بدون تأمين سفر وش رح تسوي لأن المكتب يسوي تأمين السفر وبعدين يلغيه وغيره وغيره

هلا ابو خالد
بنسبه للتامين امره سهل وبسيط بس الصعب توفيره اوراق الحسابات وتعريف من العمل بوقت قصير
وبنسبه للحجوزات انا كنت مشكك بسفره لاني ما ضمنت الاجازه في العمل ف اخاف احجز ولا اسافر وعاد تدري اني حجزت وسويت كل شي والاجازه ضمنتها بنسبة 90
يعني يمكن تنرفض الاجازه ولا اسافر

اخوي زمان،،
طلبات السفاره النمساويه تعجيزيه خصوصا ان المسافرين صغار من غير اب ولا ام وكانوا يبون كشف حساب وورقه من العمل وخرابيط مالها اول ولاتالي والسفره ماتقررت الا قبل ايام ،،
عموما الفيزا سويناها اللحين ،،بس اسال هل في خطوره ؟ولاالموضوع بيتسهل ؟؟

اخواني ما في اي مشكله
سواء طلعتها من الاسبانية او التشيكه او اي سفاره ثانيه
مطار فينا ماراح احد يسالك ابد
توكل على الله ودربك خضر

مافي مشكله بالنسبه للفيزا
انا مطلعها السفاره الفرنسيه
ولا قربت فرنسا محد حولك بالسلامه ان شاءالله

بما أن اسبانيا عضو من اتحاد الاوروبي يمكنك بفيزا المسمى بشينغن أن تسافر إلى جميع الدول الاوروبية بدون اي مشكلة ولا أحد يوقفك توكل على الله

اخوي عادي اهم شيء انها شنغن اول كانوا يدققون بس الحين راح يجيك سؤال , وراح يسألك موظف الجمرك كم يوم راح تقعد بالنمسا , قول له 4 ايام اهم شي قول له انك بتغادر لان هم بيشوفون فيزتك اسبانيه وبيسئلونك السؤال طبيعي يعني لاتتردد او ترتبك ^_^