بالنسبة لطيران اير اسيا
إذا ماتبي تحجز من نفس موقعهم مر اي مكتب وهم يحجزون لك
بالنسبة للسفر إلى بالي مافيه الا طيران
الافضل انك تحجز من جاكرتا لبالي وليس من باندوق

زياد العنزي
أخوي هذا كان ردي على تسألك في موضوع الاخ فتى المدينة على العامة:
أخوي أسمح لي أصير ملقوف شوي...... الخطوط الداخلية كثيرة في اندونيسيا... طيران آسيا, بتافيا, طيران ليون وأخرى لاتحضرني اسمأها بالأضافة الى جارودا وهي الاعلى سعراً. انا أشوف انك تحجز عن طريق النت بعد ماتدخل على كل الشركات وتقارن الاسعار وتختار وقت الرحلة اللي يناسبك والسعر اللي يناسبك. المكاتب يحجز لك عن طريق النت ويأخذ نسبته يعني بتطلع عليك أغلى. شيء ثاني لا تغلط غلطتي وتأجل حجزك على الطيران الداخلي الى ان تصل هناك, انا سويت كذا وطلع علي فرق في السعر أكثر من 55% (أغلى طبعا). توكل على الله وأحجز عن طريق النت وطبعا تحتاج بطاقة إتمانية. للمعلومية انا حجزت على طيران ليون. اتمنى انك تحاول تحجز عن طريق النت أوفر وأضمن ويعطيك اختيارات كثيرة.

بارك الله في الاعضاء لقد افادوك

عاشق الرياض11
فالبداية احب اشكرك ع افادتك بالموضوع
بصراحة انا مريت على كذا مكتب لحجز الطيران عشان احجز ع خطوط آسيا بس ماعندهم نهائيا
تعامل معاها.
ثاني شي انا كنت ابي احجز من باندونق لبالي لاني بكون متواجد بباندوق بدل
ما ارجع مرة ثانية لجاكرتا هذه الفكره.
وشكرا لمرورك

سفير البدو
عزيزي سفير البدو
اشكرك من قلبي ع مرورك الرائع والمفيد
وحصولي ع رد وافي وكافي عن استفساريز
شكرا لك

سندي محضار
اخوس سندي
الله يبارك فيك وكل من افادني
نورتي بمرورك

فالبداية احب اقولكم صبآآآح الخير من جاكرتا
الحمد لله وصلت اليوم الظهر ع خطوط جارودا
وابي خبرتكم ورايك الله لايهينكم
الرحلة من 30 -7-2010 لحد 12-8-2010 باذن الله طبعا بالنسبة للفنادق حاجزها من السعودية كلها
وقسمتها على البركة كالتالي:
من 30 لحد 1 في جاكرتا فندق park lane hotel
من 1- 4 في باندونق فندق sensa hotel
بعد كذا طيران ع خطوط air Asia الى بالي
من 4- 8 فندق paradise plaza sanur beach denpasa
ثم التوجه ع نفس الخطوط إلى جاكرتا
من 4- 12 فندق mercure convention center Jakarta
وبعد كذا التوكل ع الله إلى الوطن الغالي
طبعا البعض يستغرب ويقول وين بانشوك من الرحلة
لاسف بما اني لوحدي كنسلتها من الرحلة لاني سمعت انها لازم تكون مجموعة
ماتصلح لشخص لوحده.
وهذه اول مرة اروح فيها لاندونسيا وبصراحة محتار وش اسوي وكيف اقضي وقتي وببرنامجي
وين اروح ووين اجي ؟؟؟
يعني كل شي مترتب باقي السائق والامكان اللي اروح لها
1- هل يفضل استئجار سيارة بسائقها باليوم بجاكرتا ؟ وكم تقريبا يوميته؟
2- طبعا مابي اروح مولات تكون نفس اللي عندنا من حيث المنتجات والاسعار؟
3- سمعت عن انشوول ولكن ما اعرف وينها ولا كيف الوصول لها وهل تحتاج للمبيت فيها وهل تستاهل الزيارة؟
4- لو تستاهل طريقة الوصول لها ؟
بالنسبة للذهاب لباندونق وش رايكم بطريقة الوصول لها؟ وكم تكلفني مواصلات فقط لو مع تاكسي ؟ وهل الطريق آمن؟
وايش فيها من امكان اقدر اتمشى واتسوق فيها؟
بالنسبة لبالي نفس الشي الامكان ؟ وهل يحتاج تاكسي باليوم؟ وكم ممكن يآخذ؟
باقي لما ارجع لجاكرتا قبل العودة للوطن كيف اقضي هاليومين فيها من هدايا ولا اماكن؟
انا سمعت يقولوا انتبه من اللي يتكلم عربي من الحضارمه او الجاوا نصابين وحرامية ..إلخ ؟؟!!! صحيح
لو حبيت آخذ تاكسي بجاكرتا مثلا من 9 الصبح لحد 10 الليل مثلا هل فعلا بقدر استغل الوقت وكم اجرته؟
اخيرا كم احتاج من مبلغ ولاتنسوى اني خلاص دفعت الفنادق قبل ما اوصل وخلصت
آسف واعتذر ع الاطالة لكن احسب اني متوهق بعمري ولا ادري وش اسوي
وعارف انكم ان شاء الله ما راح تقصروا ...... تقبلوا ارق تحياتي من جاكرتا

زياد العنزي
هذا ماعندي والاخوان يفيدونك في باقي تساؤلاتك ان شاء الله

زياد العنزي
هذا اللي عندي الان واي خدمة حاضرين