مساء الخيرات والليرات
اليوم كثرت استفسارات لكن تراكم انتم اللي طمعتوني بكرمكم مايمديني استفسر الا وتعطوني مبتغاي بصدر رحب ههه
المهم لايكثر الهرج
اللي متابع استفساراتي مثل المشرف الموادع1 جزاه الله ووالديه الجنة يعرف اني مسافر قريب للندن وهذي هي المرة الاولى اللي اسافر فيها
عندي استفسار حول التعاملات المالية
ابعتبركم نفسي وبفكر بصوت عالي
الحين انا عندي 25 الف ريال كاش يعني لساتي ما عملت فيهم رصيد
وش هو البنك الافضل اللي اقدر افتح فيه رصيد وخدماته كويسة في لندن هل بنك الرياض ينطبق عليه هالكلام؟
وش اسم البطاقة اللي اقدر اسحب من خلالها في صرافات لندن؟ ماستر كارد؟ او الذهبية او وشو بالضبط
واكيد راح احول مبلغ من الريال للباوند ويكون هالمبلغ كاش في جيبي اول ما اروح كم تتوقعون يكفي 1000 باوند ماينطمع فيها؟ ههه
وعندي استفسار غبي لكن ابغا اعرف له جواب
الحين لو اني فتحت حسابي في بنك الرياض مثلا وطلعت لي بطاقة ماستر كارد وجيت اسحب من رصيدي من صرافات لندن كيف تتحول العملة ههه دايركت ولا لازم اطلب من البنك
وقبل لا اقفل الموضوع وارجع استفسر من يعرف ارقام رواعي ليموزين من الجنسية العربية يكونو متواجدين داخل لندن
اليوم على كثر ما استفسرت ارتحت من المعلومات اللي وصلتني وتطمنت اني في أمان كنت اعتقد لندن هارد بليس
الله يسهل دربكم حبايبي