Nanin
08-04-2022 - 09:28 am
السلام عليكم ورحمة الله وبركاته
انا بصراحة مالي بالمقدمات ابد ابد
بدخل في الموضوع علطول
عندي استفسارات كثيرة واتمنى القى عندكم الجواب اللي يثلج الصدر
اول شي انا ان شاء الله بوصل جنيف يوم 15 يوليو
عن طريق القطار جاية من باريس والوصول راح يكون في محطة
GENEVA CORNAVIN
وان شاء الله راح يكون السكن في فندق الوورويك
هل هذي المحطة هي نفسها اللي قبال الفندق ؟ واذا مو نفسها هي بعيدة عن الفندق يعني لازم تكسي والا عادي اوصلها مشي ؟
ثاني شي انا بقعد يومين في جنيف اليوم الاول بنوصل ان شاءالله قبل اذان الظهر يوافق يوم الجمعه فيه مساجد نصلي فيها الجمعه في جنيف ؟
واذا فيه كيف طريقة الوصول لها ؟
وايش تقترحون الاماكن اللي اروح لها اليوم الاول غير البحيرة ؟
واليوم الثاني ودي اروح لمونترو ومصنع الشوكولا نستله
يمديني اروح للاثنين في نفس اليوم ؟ وكيف الوصول وكم التكلفة ؟
واليوم الثالث بنروح ان شاء الله انترلاكن بالسيارة وهذا جدولي لانترلاكن
يوم الوصول السكن في فندق ميتروبول استكشاف الاماكن القريبة من الفندق وسمعت انو فيه قطار اركبه يلف بي عالمنطقه
وين الاقي هالقطار وكم التكلفة ؟
وبنفس اليوم ان شاء الله بروح لقمة Harde Kulm
واليوم الثاني
بلوسي وبعدها قرية كيندرستيج وركوب الزحليقة الصيفية والصعود بالتلفريك للاوشن سي
بالنسبة للزحليقة انا عندي بنتي عمرها سنة ونص عادي تركب الزحليقة والا خطر عليها ؟
طيب وشرايكم هذا التخطيط يكفي لليوم الثاني والا بيصير معانا وقت فاضي ؟
واليوم الثالث ان شاء الله نروح لقرية قريندلولد للصعود الى اعلى قمة في اوروبا
وبسأل كم تكلفة الصعود من هذي القرية لان صراحة تشتت كل ناس يعطوني سعر
مرة قالو 51 ومرة قالو 175 ومرة 190.
مدري وش الصح ؟
والقمة هذي عادي اروح لها مع بنتي اللي عمرها سنة ونص ؟
والاممنوع
وبعد القمة ابي اروح ل Heimwehfluh
تنصحوني فيها والا لا ؟
واخر يوم محتارة مدري وين اروح
ودي بجولة بحرية وودي اروح لزيورخ ولوزان
يمديني اروح لهالثلاث في نفس اليوم ؟
ومن وين ابدأ ؟
وبس
اتقبل اي اقتراحات او تعديلات اوحذف عادي خذوا راحتكم
ومرة تهمني ارائكم
ابجاوبك حسب معرفتي ,,,
ايه هاذي المحطه امام فندق الوارويك يعني توصلونه مشي
فيه جامع في جنيف وهذي احداثياته N 46.1324
E 6.718
اليوم الاول زياره المدينه القديمه ( الجهه المقابله للساعه على البحيره ) و شارع التسوق في طرف المدينه القديمه وجوله في البحيره على احد المراكب ,
مونترو على طريق مصنع الشوكولاه و الجبن في غرير او قريبه منها تقريبا ( يعني الزياره في يوم واحد ) الذهاب للمصنع يكون عن طريق قطار القولدن باس من مونترو او الى قريه غرير بسياره ,
قطار انترلاكن امام المتروبوليتان مباشره , بنسبه لبنتك - الله يحفضها - مايركبونها الزحليقه , ممكن تضيفون في اليوم الثاني مطل انترلاكن الثاني Heimwehfluh خلف محطه القطار الغربيه وفيه زحليقه يقفل على الساعه 5 ونصف العصر ,
سعر الصعود الى قمه اليونيفرو حسب مامعكم من بطاقه , سويس باس او سويس هاف فير او بدون يكون سعرها 190 فرنك من محطه انترلاكن الغربيه الى القمه مرجعا , بنسبه للأطفال ماهو ممنوع لكن حطي في بالك الاكسجين يقل في هذي المناطق وقد يكون فيه خطر عليهم ,
اخر يوم انصحكم بزياره لوزيرن بقوه .