تخطيت السحاب
07-02-2022 - 12:38 am
بسم الله الرحمن الرحيم
الفزعه الفزعه يا اخواني الله يسعدكم انا اول مرة اروح الي بلاد العمه وطلب منكم طلبات تكفون يا الغالين ساعدوني
ادري والله نشما ابي عدة خطوات
1-الذهاب من الرياض الي بلاد العمه علي طيران الجارودة
2-في شهر ثمانيه هجري
3-ابي جدول صغير وحلو وما فيه اي تنقلات واجد ابي العاصمه وبالي
4-ابي فندق حلو ونظيف وامين في كل الرحلات
5-مده الاقامه 23 يوم ابي اعرف كيف اتنقل في تكاسي الاجرة او سواق خاص
6-انا والعائله عددنا اربع 2كبار و2صغار
7-من وين اصرف من السعوديه او من هناك وش اصره كلها ربيه
8-وش احسن الاماكن الي اروح لها في العاصمه او في بالي
9-انا كنت مخطط 10 ايام في العاصمه 10 ايام في بالي
10-وين احسن مطاعم
11-كم لازم يكون معي مبلغ من غير التذاكر انا خلاص قطعت التذاكر
12-وش رايكم في طيران الجارودة حلو
13-انا فكرت اخذ الفزا من الرياض اخاف ما اعرف اضبطها كويس
14-طيب كاها حلو اسعارة انا ما حجزت فنادق ولا شي بس طيران اي ارخص من المكاتب الي معبيهالرياض او من كاها وهم شي التكاسي
تكفون تكفون ابي الفزعه ابي جدول حلو ومنظم ابي امشي فيه بحذفيرة الله يسعدكم ويوفق كل من رد علي او ساعدني
معليش طولت عليكم بس والله في امس الحاجه لكم وش رايكم في الشعب كويسين من حيث التعامل
والله احس اني متردد من السفرة اخاف اتوهق بس بعون الله وعونكم اتشجع انتظر ردودكم الحلوة
1) الجارودا طيران لابأس به وبما ان معك اطفال الطيران المباشر افضل من الترانزيت ومتاعبه اختيار موفق
2)شهر 8 هجرى يعنى 7 ميلادى الجو حار بجاكرتا وراح اذكر لك الافضل
3)جدول التنقلات افضل حل والله انك تاخذ لفه على تقارير منتدانا الغالى والله راح تطلع بجدول روعه من خبرائنا بالمنتدى والجداول كثيره
4)الفنادق فى جاكرتا انا ارشح لك فندق شيبوترا فيه مجمع تسوق رائع وكل انواع المطاعم العالميه
5)بالنسبه للتنقل الافضل تخصيص سائق ثابت افضل وارخص من التكاسى وبالمنتدى اسماء السواقين المحترمين ويرشحونهم الاعضاء
6)الله يوفقك ويسلمك انت والعائله
7)الصرف من جاكرتا احسن وخذ معاك من الرياض دولارات سريال ولاتحاول تثنيها احفظها كما هى جديده تفرق بالصرف
8)احسن الاماكن فى جاكرتا شاطى انشول وبه دنيا فنتاسى وسى وورد ودينه العاب كبيره وكثير منالمطاعم والمجمعات كثيره والافضل قراءه التقارير السابقه للاعضاء
9)هذى اهم نقطه اعتقد 10 ايام كثيره على بالى و10 ايام كثيره على جاكرتا حرام ماتدخل بونشاك بالجدول لو لمده 4 ايام وتسكن بفندق سيرونى اعتقد تجربه راح تكون ممتازه ولو تدخل على الجدول باندونغ لمده 3 ايام يكون احسن اسواقها ومطاعمها وجوها بارد وحلو تصلح للعائله
0-المطاعم بكل المجمعات وبكل انواعها العالميه
1-المبلغ اعتقد ان معدل صرف يومى بين 200 و250 دولار حلو
2-طيران جارودا لابأس به ماشى الحال بس مش ممتاز
3-الفيزا بدون تردد بالمطار اسهل منها مافيه 25 دولار للشخص والسلام
4-الفنادق من كاها احسن من السعوديه
واتمنى لك رحله سعيده