وعليكم السلام ورحمة الله وبركاته
توصل بالسلامة
واخونا تعبك راحة صاحب تميز من اول تواجد له
بالنسبة لستفسارك
بالنسبة لكوتا بونقا لا تصلح ابد لسكن الاول من ناحية الموقع فهو بعيد عن منطقة العرب
والناحية الثاني كثرة المشاكل فيه وسبق وان الكثير اشتكر منه وهجور بالليل ومايمزه فقط هو ارتفاعه وبرودته
والسواق هذا وغيرة يدرون اي شي يمن له نسبة منه ودري ان كوتا بونقا اجارها رخيص ومتوفره لعد رغبت الجميع بالسكن فيه
وبالنسبة لمجمع شكرو انصحك كل النصح الابتعاد عنه
بالبداية مجمع تكثر في الفساد والازعاج واهل الخمور راعي المشاكل ,, وربعنا وطاحو في مريسه
وكانت تجربتي فيه عام 2010 والله ماتنام من ازعاج الفلل كل فله ورافع المسجل لخر شي
اذا تبي مجمع بمكانك تروح مجمع ادلتا ممتاز وموقعة اول لفة بعد يمين بعد البقالة السعودية والحجز يكون مباشر ويبعد عن البقالة ب 200 متر . والفله الاولى ع اليمين هذي احسن فله فيهم والفله اللي فوق برضوه ممتازه
وانا انصحك تبعد عن المجمعات لنها كلها تجي فيها ازعاج غير طبيعي .
والفله الخاصه متوفره بشده وبمكانك انك تشاهد خيارات الكسن فانا وضعت كم خيار وذكرت كل التفاصيل المهمه
وفي فلة فاتن قريبه من مجمع شكرو 2

لا شكر على واجب يالغالي
بس لاتنسى الوعد التقرير اول وصولك بالسلامه
سلطان بعض من ما عندك فديت راسك
اول اخوي كل السواقين يدورون عموله على جلب الزبائن فالافضل انك تسكن بفله خاصه فيك
عشان تبعد عن الازعاج
فلة فاتن ممكن تكون كبيره عليك شوي
فيه فلل خاصه كثير وابتعد عن المجمعات
ثانيا كوتابونقا تبعد بالسياره عن الحياه بنصف ساعه يعني في مقطعه
بالنسبه ل الطياران اذا قصدك اتحاد الامارات يسمح لكل شخص 30 كيلو مو مهم عدد الشنط الي معاك
وخل معاك شنطه صغيره بالطياره وحط بعض اغراضك فيها بس ابعد عن العطورات واللوشنات والكريمات
لن حدهم المسموح لك فيه بالطياره 100 ملم والباقي يصادرونه
ترجع بالسلامه

الله يعطيكم العافية ماقصرتواوابشر بالتقرير يالغالي
بشوف فلة فاتن بس دامها كبيرة الله يعين افرفر اول مانوصل
المشكلة تعبت ادور مافية فلة الا فية ناس تمدح وناس تذم
ابحث عن شي مناسب للاربعة شباب وتكون قريبة من البقالات السعودية واطلالة حلوة
دمتم بود

اكيد كل مكان له الي يشوفه مميز وفيه ناس تشوفه عادي
عاد انت راح تبحث بنفسك وراح تحصل الي يسرك ان شاء الله