a3tzltk
وعليكم السلام ورحمه الله وبركاته ...
وحياك الله أخي الكريم .. وبالنسبه للفيزا فالوضع جدا جدا سهل خلها من هناك وقيمة الفيزا
للشخص الواحد 25 دولار لمدة شهر كامل ...
وبالنسبه لزيارته جميع الاماكن السياحية في أغلب المدن السياحية المشهورة هناك ولمدة
4 أيام فقط غير كافية جدا جدا جدا وأنصحك لوجه الله تعالى بهذه المدة القصيرة بالذهاب الى
أحدى دول الخليج ...
وأي أستفسار أخر لاتتردد فالجميع بخدمتك بأذن الله ...

بارك الله فيك اخي ابن السعودية
من المطار الى الجبل الى المطار فقط
او احدى دول الخليج كما نصحك ابن السعودية

الله يبشرك بالخير يا اخي العزيز ابن السعوديه .. لاني كنت شايل هم الفيزا .. وكنت بروح لسفارتهم بالكويت واخلصها ..
والله ياخوي ماعندنا غير هال 4 اياام .. ونبي نسنانس فيهم .. نبي نشووف الاماكن الطبيعيه والسياحيه ..
ياليت تنصحنا وين نروح بالضبط .. لان خلاص باجر راح نحجز ان شاءالله .. لانك طمنتنا عن الفيزا .. حنا طيارتنا على جاكرتا .. وماقلت لي كم نجيب معانا تكفينا لأربع ايام ..
وبالنسبه للتكاسي جم اسعارهم ! .. والفنادق بعد ..
وبالنسبه للبضاعه هناك .. هل رخيصه او لا .. يعني نفس قوانزو !!
لان بناخذ لنا بضاعه على قدنا عرفت .. وامر الجمارك محلول ان شاءالله ..
وهل التكاسي افضل من السواق !!
وحنا بنروح للجبل ومالي مادري بالي .. يعني نبي نحلل هالاربع ايام ..
تكفى لاتقصر معاي سواءً انت او غيرك ..
سفرتنا الخميس ونبي نتطمن على كل شي عشان نروح وحنا مرتااحين وماخذين معانا فلوسنا ووزياده ..

اخي المحتسب .. قسم بالله استانست لما شفتك راد على مشاركتي .. لاني من متابعين موضوعك وللحين ماخلصته لول ..
لاتأيس فيني يا المحتسب تكفى ..
نبي نروح لأماكن بجاكرتا والجبل .. وترى الجبل يبعد 4 ساعات عن جاكرتا كما قريت من احد المواضيع ..
ياليت يا اخي المحتسب تجاوب على اسئلتي اللي حطيتهم بردي الجديد ..
وشكرا ً ..

a3tzltk
للمرة الثانيه أقول لك ياأخي الفاضل والكريم والعزيز أن مدة 4 أيام قصيرة جدا جدا جدا جدا
لزيارته المدن السياحية المهمه هناك ومادامك معزم على الذهاب بهذه المدة القصيرة فاأنصحك
بالتوجه حين وصولكم للعاصمة جاكرتا الى الجبل بنشاك وقضاء مدة الاربع أيام بالكامل هناك
وبعدها التوجه للمطار الدولي للعودة للكويت ... وبالنسبه للصرف فاأحسب حسابك ع مبلغ 200
دولار لك ولصاحبك شاملة لسكنكم وأكلكم وشربكم والمواصلات ورسوم المزارات السياحية ..!!
وأنصحك بسيارة خاصة بسائقها لمدة الاربع أيام اللي راح تجلسونها هناك وسعر السياره شامل
البنزين تترواح من 400 الى 450 ألف روبيه لليوم الواحد ... وبالنسبه لجزيرة بالي شيلها من
بالك لاأن مدة رحلتكم قصيرة جدا جدا وجزيرة بالي لايكفيها يوم أو يومين أقل شي 4 أيام بالكامل ..

a3tzltk
للتوضيح فقط أخي الكريم ...
جاكرتا تبعد عن الجبل بنشاك مسافة ساعه واحدة فقط وليس 4 ساعات كما تفضلت
وراح يجاوبك مشرفنا الفاضل أبو تركي بعد قليل بأذن الله تعالى ...

يا بعد راسي يا ولد السعوديه ..
قسم بالله رديت البسمه لوجهي بكلامك هذا ..
بيض الله وجهك ..
ادري ان المده قصيره بس شسوي مالنا غير هالاربع ايام لو فيه اكثر كان ما نطرت ..
كلامك وافي وشافي ..
بالنسبه للبضاعه يا ولد السعوديه !! ما قلت لي عليها .. نقدر نزور مكان بالجبل رخيص وفيه بضاعه يعني !!
اشكرك على صبررك يا عزيزي ..

للتوضيح فقط أخي الكريم ...
جاكرتا تبعد عن الجبل بنشاك مسافة ساعه واحدة فقط وليس 4 ساعات كما تفضلت
وراح يجاوبك مشرفنا الفاضل أبو تركي بعد قليل بأذن الله تعالى ...
الله يبشرك بالخير ..
حلو دامها ساعه بنسوي مثل ما قلت نقعد الاربع ايام بالجبل وبموعد رحلتنا نروح للمطار ..
بس عندي استفسارات اخرى عن البضاعه بالجبل او بمنطقه قريبه منه ..
وشكرا ..

a3tzltk
ووجهك أخي الكريم ... وبالنسبه للارخص فاأشوف أن جوانزو أرخص وأكثر من ناحيته تنوع
البضائع وبصراحة وبكل أمانة ماأعرف مكان معين بالجبل بنشاك لاكن شوف عندك سوق شعبي
اسمه منقادوا وموقعه بالعاصمة جاكرتا وأسعارهم مناسبة ومعقولة جدا جدا وبالنسبه للسكن بالجبل
بنشاك أنصحك بمجمع فلل جياكرتا أو مجمع فلل شيكرو ...