حياك الله اخوي العزيز...شف طال عمرك أنت أول ماتخلص أمورك من الجوازات
والعفش أنت مخير فيه قدامك أول ماتطلع من البوابة الداخلية راح تصادف عدة
مكاتب إسألهم وتفق معهم بكم يودونك للبونشاك عندهم تأجير سيارات...
أو خذلك تاكسي إسمه بلوبيرد لونه أزرق وهذا بالعداد يوديك أي مكان طبعاً
نقول مع ضرائب الطريق بحدود ال 400 أو تزيد شوي ويمكن تنقص علشان أنت
طالع بالليل مافيه زحمة والطريق فاضي....من وجهة نظري إذا كنتوا واجدين
أستأجر سيارة خاصة تنقلكم للجبل...وتمنياتنا برحلة سعيدة

يحيك ربي اخوي جاركتا
ويسلمو على الرد
احنا راح نكون 3 اشخاص
شنو المقصود بسياره خاصه ؟؟؟
هل يعني يكون معانا طوال الرحله ؟؟؟
كم سعر السياره الخاصه ؟؟؟
( الله يكون في عونك على استفساراتي) خ

mr.borla
الله يحييك أخوي العزيز قصدي طال عمرك إنك تستأجر سيارة خاصة توديكم
من المطار لبونشاك وهذا سعره لوحده...يعني سائق خاص
وإذا وصلتوا بالسلامة للجبل هناك حدث ولا حرج من السيارات الخاصة,وتقريباً
سعرة من ال 400 إلى 500,000 روبية باليوم الواحد...إذا إحتجته بالتمشي
ودخول السفاري يعني تقريباً تاخذه يوم كامل من الصباح إلى تقريباً الساعة 9
أو 8 بالليل.

شورتك وهداية الله
راح اخد بلو بيرد من المطار للجبل
اما السكن فانا مخطط على فلل جياكرتا
شنو رايك بالسكن ؟؟ لو تنصح بشيء ثاني ؟؟

mr.borla
والله هذا حسن الإختيار كثير من الشباب يمدوحون ذا الفلل....عاد إذا ما عجبتك
شفلك بعد ماتريح بيوم هناك خذ فره بالدباب على كذا فله...ورايح تجد بإذن
واحد أحد فله حسب إختيارك وذوقك أنت والشباب وبالتوفيق....

شكرا يالغالي جاكرتا
واسف عالازعاج

أخي الفاضل :-
نصيحة من أخوك الصغير وبأذن الله لن تندم أنت تقول وصولك يوم الاثنين المغرب
ومباشرة راح تتوجه للجبل بنشاك وهذا أكبر خطأ لانك راح توصل بالليل وماراح
تقدر تحصل فيلا مناسبة بهذا الوقت الافضل أن يكون بحثكم عن الفيلا بالصباح وكذلك
راح يكون مكتب سلطان المزيد مغلق بهذا الوقت من وصولكم للجبل ... لذلك الافضل
الراحة لمدة يوم واحد بالعاصمة جاكرتا ومن بكرة الصباح بدري تتوكلون على الله للجبل
بنشاك وبأمكانك الاتفاق مع سائق خاص يجيكم ويوديكم ويأخذ فرة كاملة على مواقع الفلل
بالجبل بنشاك الين تحصلون الفيلا المناسبة لكم بأذن الله ... وبالاخير أخي الفاضل القرار
لك ولزملائك حفظكم الله في حلكم وترحالكم .... واليك هذا الرابط الخاص بالسائقين هناك
أرقام السائقين فى إندونيسيا https://artravelers.com/p/re/389407 ...

اخوي ابن السعوديه افادالله ينور عليه

ابن السعوديه ( وطني) ^_^
شكرا جزيلا
عجبني رايك وبقوه
وخصوصا لان السفر بيكون مده طويله
الدمام - الكويت- جاكرتا
فاتوقع كلامك عين الصواب
راح نكون تعبانيين
انا اتفق معاك 100%
راح اشاور اخوياي وان شاء الله نعمل بكلامك
شكرا مرره ثانيه ومشكور سندي