مادري برنامج الرحله حلو اولا ياليت احد يساعدني. اول مره اسافر النمسا. وزوجي معتمد علي بتنظيم جدول الرحله. ارجوكم ساعدوني

وعليكم السلام ورحمة الله وبركاته
أختي السيارة استلموها في آخر يوم لكم بفيينا عشان تطلعون فيها للمنطقة التالية
لكن لو حبيتي تسوين تغيير بالجدول فالأفضل تخلين محطة الوصول فيينا و محطة العودة ميونخ
لأنها الأسهل لكم فالطريق من زيلامسي لميونخ أقصر من زيلامسي لفيينا
وبهالحالة السيارة تستأجرونها من بلدة فريلاسنج الألمانية وهي قريبة من سالزبورغ بدال ما تستأجرونها من فيينا
وتالي تسلمونها في ميونخ وبهالحالة تكونون ماخذينها بسعر أرخص لأنكم تتجنبون ضريبة تسليم السيارة ببلد آخر ( مثل لو استلمتوها بفيينا و سلمتوها بميونخ )
بالنسبة لجدول الرحلة ياليت توضحين لنا متى تاريخ الذهاب والعودة ؟ و جم مدة السَفرة ؟ وهل حجزتم التذاكر ولا للحين ؟

هلا اختي ام نيوفي. للحين ماحجزنا بس مدة الرحله 12 يوم وان شاءالله بتكون في اجازة الحج ارجو ترتيب جدول مناسب. وبالنسبه للسياره مافي مشكله اقدر اخلي العوده ميونخ وماهي افضل شركة تاجير سيارات

انزين أختي إجازة الحجز قربت فأنصحج تعتمدين الجدول اللي يناسبكم ،
و تبتدون حجز طيران وفنادق وإجراءات الفيزا عشان ما تنضغطون حزة السفر
أنصحج بالتالي :
محطة الوصل فيينا يومين
زيلامسي أو كابرون 8 أيام
ميونخ يومين
بالنسبة لشركة حجز السيارات أفضّل (ايفز)،
لكن الغالب من الأعضاء ياخذون من يوروب كار و سكست ..

ارجو منكم ترتيب الجدول الذهاب الي فيينا والعوده من ميونخ ومدتها 12 يوم

أختي بالنسبة للجدول تبع ترتيب الأيام كتبته لج :
محطة الوصل فيينا يومين
زيلامسي أو كابرون 8 أيام
ميونخ يومين
هل تقصدين الرحلات اليومية ؟