ma-yhem
29-09-2022 - 09:41 pm
السلام عليكم ورحمة الله...شخباركم يا جماعه
طبعا هذي اول مشاركة لي بالمنتدى....بس حبيت استفسر غن كم شغله واتمنى انكم تفيدوني
انا رايح مصر يوم 3 مارس بعون الله وهذي زيارتي الاولى..الزيارة هذي دراسة وسياحة بنفس الوقت لمدة شهر
طبعا اول سؤال واللي صار متعارف عليه: شلون الاوضاع يقدر الواحد يروح وهو مطمن ولا؟؟
ثانيا:المعهد اللي بدرس فيه موجود بالمهندسين بشارع اسمه نابلس اللي احس انه مو مشهور لان سالت كم واحد وقالو ما ندري عنه..
المهم انا ابي شقة او فندق بهالشارع او قريب منه فيا ريت احد يساعدني بهالشغلة
انا حاولت اتصل على واحد حاط رقمه باحد المنتديات قالي سعر الشقق يبدي من 4000 جنيه ..مادري السعر زين ولا وايد ولا شالموضوع؟ انا قلت له ابي شقه غرفه وحده بس...قالي ما تفرئش غرفة ولا اتنيين
منتظر ردكم
ومشكورين
