فين الردود؟؟؟؟؟؟؟؟؟؟
اول مشاركه مااحدر يرد عليه
ارجوا الرد بسرعه

اخي الكريم الباصات من شرم الشيخ كثيره خد سوبر جت انظفها وروح الغردقه وخد يومين وترها بلد اغلب زوارها اجانب

شرم الشيخ الحين الحياه فيها بس من بعد المغرب والا فى النهار حر موت وعندك فندق موفنبيك حلو وبالنسبه فى الليل تلقى الوناسه فى المارينا
وبالنسبه للقاهر شلون تروح تقدر تروح فى السوبر جت قول حق راعى التكسى محطه الباصات اللى تودى القاهره
والقاهر المرديان الحين اسمه جراند حياه فندق فخم بس والله ماسكنته انا اسكن فى سميره ميس والا هلتون النيل الافضل لى سميره ميس

والله يااخ عبودي خذ نصيحة اخوك لاتروح شرم الشيخ تراها حر مره لكن القاهره حلوه باليل خاصة بعض الفنادق الجلسه فيها ترد الروح مثل الجزيره شيرتون جلسه على النيل ولا احلى ولا تنس تمر على الحسين والقلعه وانحش من الاهرامات تراها خايسه كلها نصب في نصب ولا تنس يوم اويومين في الاسكندريه ترى بحرها حلو مره خاصة في الليل احسن من شرم الشيخ وقبل ماانسا ترى ميرديان (جراند حياه)حلو مره بس غالي

كيف ناخذ باص من شرم الشيخ للقاهره؟ نتفق مع مكتب سياحي بالسعوديه ولا من شرم الشيخ مباشره؟
عادي جدا اخوي تستطيع الاتفاق هناك من شرم الشيخ نفسه (هناك رحلات يوميه)
وكما قال لك الاخ (السوبر جيت ) هو الافضل ((وعليك ان تنبته بأن لاتشتري اي
مشروبات او مأكولات من الباص لأسعارها الخياليه )) ..
لكن عليك بأن تحجز قبل مدة على الباص تقريبا يوم او يومين تلافيا لعدم وجود
اماكن شاغره ...
ايش احسن منتجع في شرم الشيخ(على البحر مباشره)؟
بصراحه انا اسكن في الموفنبيك على خليج نعمه .. ومن وجهة نظري انه الافضل
وقد يكون هناك افضل منه .. سمعت عن قرى سياحيه جميله جديده ..
شرم الشيخ فيها اماكن ترفيه مثل القاهره؟ وماهي؟
طبعا يوجد فيها وقد تكون افضل من القاهره من وجهة نظري (وذلك لان شرم الشيخ
راقيه والتعامل فيها راقي )
بالنسبه للبرامج الترفيهيه :
رحلات راس محمد (بالبر_ بالبحر )
رحلات السفاري (بيتش بجي_ سيارات جيب )
رحلات البحر (جزر تيران)
سهرات بدويه
سهرة الف ليله وليله
برامج غطس
ايجار يخوت
العاب مائيه (بنانا بوت _ براشوت _ شراع)
مراكب زلاجيه
ملاهي فان تاون
اهم المطاعم
مطعم القرصان بجوار الملاهي (خليج نعمه) اسماك _شرقي
المطعم الهندي (فندق سوفتيل)
المطعم اللبناني خليج نعمه (فندق سنافير)
طبعا الاماكن الاخرى اذا كنت من محبينها موجوده مثل الدسكوات ..الخ
مثل الهارد روك ..الخ
وايش رايكم بفندق الميريديان الجديد بالقاهره؟
ماعندي خلفيه عنه ..
وماهو افضل فندق بالقاهره مع العلم اني سكنت بالماريوت والكونراد بس كانت الحراسه شديده جدا.
مافيه شي اسمه افضل من وجهة نظري كل انسان ومواصفاته او براحته
يعني كل شخص ممكن الان يعطيك الفندق اللي ارتاح فيه
اتمنى اكون اخوي قدرت افيدك .. علما بأن اخر زياره لي لشرم الشيخ قبل سنتين
ويمكن تكون فيه اشياء تغيرت ..
تحياتي لك
واتمنى لك سفرا سعيدا

مشكور يااخوي
بس ايش احسن شرم الشيخ ولا الغردقه
وكم المسافه من القاهره لشرم والغردقه

اهلين عبودي
والله انا مارحت الغردقه بصراحه .. لكن الشرم رحت له
اعتقد انا ان شرم الشيخ افضل ... بس الفرق بين شرم الشيخ والغردقه
ان شرم الشيخ اغلبه اجانب مع وجود عرب .. لكن الغردقه العرب والمصريين
اكثر فيها من الاجانب ونادر ماتحصل اجنبي .. (هذا على مااسمع )
المسافه والله ماادري بالضبط .. لكن اذكرها طويله جدا لاني مره سافرت
في الباص تقريبا 10 ساعات يمكن او حاجه زي كذا =-=----> لاني نمت في الباص
علشان كذا ماني فاكر بالضبط ههه
عموما الغردقه وشرم الشيخ كلهم بجهه واحده وبين الغردقه وشرم الشيخ
تقريبا 150 او 180 كيلو ... (ماني متأكد بالضبط لو كنت مخطىء الرجاء احد يصوبني)
وتحت امرك باي استفسار يالغالي