نشر في سويسرا

استفسار يحدد ذهابي ل سويسرا من عدمه

سرإإج

24-01-2022 - 09:20 pm

سؤالي عن الميزانية لو ابغى اروح ل سويسرا لمده 10 ايام وبميزانية 13 الف ريال من غير التذاكر والسفر يكون في مدينتين او ثلاثه بالكثير بواقع مثلا 3 ايام و 3 ايام بمدينه ثانيه و4 بالمدينه الاخيره
وطبعا ماهو لازم فنادق 5 نجوم وشي غالي وفخم يعني يمشي الحال 3 نجوم او حتى 2 بس تكون نظيفه
وبطبعي في السفر بإمكاني الاقتصاد كثيرا في مصاريف اليد
علما ان السفره لي انا وزوجتي
والسفر بيكون بالصيف القادم
من خلال هالمعطيات تكفي هالميزانيه ولا ماتكفي .؟؟
واذا عندكم نصائح اتشرف بردودكم ولكم مني اجمل وارق تحية

التعليقات (8)

M!$s Paris

25-01-2022 - 12:25 am

الميزانيه المحدده داخل فيها السكن اولا ....

دلوعة عادل

25-01-2022 - 01:26 am

أظن صعبة يحتاج تزيدها شوي
والسفر في الصيف راح يحتاج تكلفه اكثر والاسعار في الطيران والفنادق والمطاعم ترتفع
ممكن تزيد ميزانيتك شوي وتختار شهر 4 او 10 لانه الاسعار تنخفض فيها

سرإإج

25-01-2022 - 02:27 am

الميزانيه المحدده داخل فيها السكن اولا ....
يب مع السكنٍ وزي ماذكرت فوق ماهو لازم فندق 5 نجوم ممكن 3 نجوم او حتى 2
أظن صعبة يحتاج تزيدها شوي
والسفر في الصيف راح يحتاج تكلفه اكثر والاسعار في الطيران والفنادق والمطاعم ترتفع
ممكن تزيد ميزانيتك شوي وتختار شهر 4 او 10 لانه الاسعار تنخفض فيها
طيب لو بزيدها مثلا يحتاج ازيدها لكم .؟؟
صعب اسافر في غير الصيف بسبب الاجازات من الدوام
انا محدد المبلغ بدون تذاكر طيران
ثانكس على اجابتكم وبإنتظاركم

M!$s Paris

25-01-2022 - 03:28 am

اخوي الميزانيه المحدده ماتكفي اذا كان معها السكن يعني 13الف هذي لحالها يالله تكفي للسكن ...يبي لك تزود ميزانيتك اقل شي 10000 للتنقلات وللمعيشه ....

سرإإج

25-01-2022 - 04:29 am

^^^
اوف ايش ذا
انا رحت النمسا وفرنسا ولمده 15 يوم وكلفني السكن حول ال 13 الف رغم انها كلها تقريبا فنادق 5 نجوم بل إن في مدينه اخذت فندق ع البحر ولمده 5 ايام الليله الوحده ب 1500 ريال
بناء على هذا الكلام انا توقعت ان 13 الف بتكفي خصوصا انها 10 ايام وان الفنادق الي بآخذها 3 نجوم او حتى 2 او ممكن بعد شقق مفروشه
يعني سويسرا لهالدرجه اغلى من النمسا وفرنسا !!!
اخر سفرتين لي كان لأوروبا فالظاهر اني بحول الوجهه الى شرق آسيا والله يكتب الي فيه الخير
ثانكس وماقصرتِ

M!$s Paris

25-01-2022 - 05:30 am

لا تغير الوجهه لان سويسرا ماتتفوت ...بس انت حدد المناطق اللي حاب تزورها وخلنا نحسبها صح من ناحية الفنادق ...

البتوول

25-01-2022 - 07:32 am

السلام عليكم ..
اتوقع ان شاءالله بتكفي لان في سويسرا شقق واوتيلات رخيصة تقريبا من 300 الى 400لو تدخل موقع البوكينغ راح تلاقي بهالسعر يعني 400×10 =4000 اومثلا 500×10 =5000
راح يبقى معاك تقريبا 8000 خليها بين المواصلات والمطاعم وان شاءالله بتكفي وتوكل على الله ’’
ترى فية ناس متعودين على السفر بدون حساب فيتوقعون ان الميزانية مراح تكفي بس لو حسبتها صح راح تكفي
وبالتوفيق ان شاءالله.

سرإإج

25-01-2022 - 08:33 am

وش رايك بهالمخطط
3جنيف
4انترلاكن
3مونترو
انا ماقريت اي تقرير فما عندي اي خبره عن المناطق , إلي اعرفه بس ان انترلاكن زي زيلامسي اما جنيف ومونترو بصراحه ما اعرفشٍ
اذا كانت الميزانيه تسمحٍ ببدأ اقرا واشوف التقارير وهيك
لكن مبدئيا ماعندي اشكاليه في هالتخطيط
بالنسبه للتذاكر بس جربت عن طريق موقع السعوديه طلعت لي التذاكر لشخصين ب 9000 الاف تقريبا
مع اني رحت للنمسا اول ب أقل من 6000 , ايش الموضوع .؟؟؟
ومشكوره مره ثانيه على ردك

سويسرا المسافرون العرب

استفسار يحدد ذهابي ل سويسرا من عدمه