السلام عليكم اخواني واخواتي اعضاء منتدانا العزيز انا مقبل على
الزواج ان شاء الله بعد شهرين وبضع الأيام ابي استفسر عن جدول لشهر
عسل لا ينسى مابين عددا من الدول الأوروبيه مثل النمسا والمانيا وفرنسا
وسويسرا واي دوله حلوه الخ... خصوصا ان الماديه عال العال يعني تقريبا
من 50000 الف ريال سعودي الى 70000 الف ريال سعودي ابي كم تكفينا
يوم ؟وش الجدول المناسب ؟ وش الخطوط الحلوه (الأماراتيه القطريه )؟
وبالنسبه للفنادق ابي فندق 5 او 4 نجوم ؟
وبالنسبه للتأشيره كمان كيف الطريقه ؟ وش اسهل سفاره يستخرج منها
التأشيره ؟وبالنسبه للسياره استأجر مع سائق او استأجرها انا او على
التكاسي والقطارات ؟ ايضا بالنسبه لأيجارات السكن والسيارات افضل عن
طريق مكاتب سياحيه او عن طريق الأنترنت ؟
- فيه حاجه نسيت اقولها ابي طبيعه خلابه وهدوء في اماكن السكن
وكمان لاتقولون لي ملل لا تكثر الأيام انا ماعندي مشكله لوشهر كامل .
افيدوني جزاكم الله خير .
بما انك وضعت استفسارك في بوابه النمسا
انا راح اعطيك برنامج مناسب جدا لشهر العسل
البدايه راح تكون في فينا ولمده اربع ليالي
ثم مدينه سالسبورق لمده ليلتنان
ثم زيلامسي حيث سحر الطبيعه لمده خمس ليالي او ست
بعدها مدينه ميونخ الالمانيه لمده 3 ليالي
ثم الانتقال بواسطه الطيران الداخلي الى مدينه الموضه والجمال باريس لمده 5 ليالي او ربع
ثم العوده الى الوطن
طبعا التنقلات يفضل تكون في سالسبورق وزيلامسي بواسطه سياره تستاجرها انت بنفسك
اما فينا وميونخ وباريس ما تحتاج فيهم سياره ابد
طبعا يفضل قبل اختيار الفنادق ان تحجز الطيران وذا حجزت وخلصت وحددت خط السير
راح نساعدك في هذا المنتدى باختيار افضل الفنادق المناسبه لشهر العسل
تحياتي لك