السلام عليكم ورحمه الله وبركاته
والله يا اخواني لي 5 سنوات كل ما انوي اروح للنمسا الله ما يكتبها لي ويطلع لي ظرف واكنسل الروحه واقول قدر الله ما شاء وفعل
اخوي علي الله لا يهينك ابي اسالك معروف مكاتب السياحه والسفر عندنا بالكويت الله يعطيهم العافيه يسون رحلات جماعيه مع مرشد ويكون كل شي عليهم يعني التذاكر والسكن والمواصلات والتمقلات الداخليه عليهم
شرايك اتوكل علي الله واحجز معهم لان مخططهم 15 يوم مقسمه علي فيينا وزلمسي وميونخ وكل منطقه الاقامه فيها لمده 5 ايام والسفر يكون علي الخطوط الاردنيه والاقامه بالذهاب والعوده ليله بعمان
والا اخطط لي جدول واخلي خط سيري يكون كويت ميونح ومن ميونخ اطلع لزلمسي اقعد فيها المده اللى ابيها ومن زلمسي ارجع الي ميونخ كم يوم وابي يكون خط رجعتي من ميونخ الي لندن لاني خبير بلندن وعارف الاماكن هناك
سؤالي الله يرحم والديك اذا خططت انا لنفسي الجدول والكل يقول اجر سياره هناك واخوك ميح ب المره اللغه الانجليزيه ولا اعرف قوانين السياقه عندهم ولا اكل ولا اعرف اللجارمن او النفيقيتر هل تنصحني اجر سياره والطريقه هناك سهله واقدر ازور فيها كم دوله قريبه من النمسا ولا اتوكل علي الله واحجز مع القروب واروح معاهم
علما باي السفر انا والمدام و 3 اطفال
والميزانيه ولله الحمد مفتوحه والسكن ما يفرق معاي واهم شي بزلمسي ابي الفندق مطل علي البحيره لاني بقضي كل وقتي بالتامل بالبحيره والجو النقي
ناطر ردك واستشارتك وارد الاخوان
والله يجزاكم خير