عبترول
12-05-2022 - 02:40 am
اخواني واخواتي هع هع حسيت اني مثقف وماسك مكرفون ههه
ما اطول عليكم احنا ثلاثة شباب وفلويه وبصراحه ما ندل في دبي ماادليت في الرياض ابدل في دبي ولا ادري وين بسكن فيه بس ربكم يفرجها بس انا دايم اسمع يقالون بر دبي والمرقبات فله بنسبه للشباب لانه اكثرها شباب
وياليت تعطون اماكن مثل الملاهي المائيه لاني قد راحت لها مره واحده في حياتي وبصراحه ودي اروح لها مره ثانيه
اسمع اخوي / شباب وفله زي ما قلت لك ,,, عندك دبي مول الجديد هذا لحاله ترفيه كامل .. ويبي لك اكثر من يوم عشان تكتشف المول .. بس انت رحله يوم .. وبعدها لا يفوتك مول الإمارات والقريه الثلجيه والسينما فيه .. وبعده القريه المائيه اللي عند جميرا بتتش ... وعندك برضه شارع الممشى كأنه السوليدير في لبنان لا يفوتكم .. تراه خقق وبيصلحكم اكيد ...
وعندك عاد جزيره النخله روحو فرفرو فيها شوي ولا تنسون تمرون على اكبر واطلق واحلى فندق في العالم اسمه اتلانتس .. تمشو فيه وشوفو الإبداع كيف ..
وسالفة وين تسكنون .. فيه اماكن واجد زي ما قلت انت ,, بس ترا المناطق اللي انت قلت كانها عندنا بالرياض البطحا وماجاورها.. وانا ما نيب افضل هالمناطق ,, لأنها زحمه ومدري وشو .. افضل منطقه اسمها البرشا اهي المنطقه اللي قريبه من مول الإمارات .. رهيبه وفيها شقق فندقيه رخيصه ويمكن تناسبكم .. تلاقي اسعارهم في موقع الحجز العالمي بوكينق .. اكتبه بقوقل وبتلاقيه ...
وبالنسبة لأنكم ما تدلون .. امشو على عماها والله يخلي هاللوحات والتاكسي وأسألوا من سأل من ضاع ...