تحياتي اخي الفاضل ما ادري تسمح لي ابدي رايي في البرنامج لانه بالشكل الي وضعته متعب ومافيه مجال للاسترخاء والراحه .. خاصة ان كيرلا عامة الانشطه والفعاليات فيها محدوده وبسيطه يعني ماتستحق تحط البرنامج على اساسها .. اهم شي ترتب برنامجك بطريقه تسمح لك تستمتع بالمكان نفسه وخاصة ان 3 ايام تروح على كوتشين على حساب بقية المناطق لذا لو تعدل البرنامج بحيث يكون
اول يوم كوتشين - ثاني وثالث يوم مراري -رابع وخامس يوم كومراكوم - سادس وسابع وثامن يوم مونار - تاسع يوم تيكدي لانها طبيعه وبراد ورح تجد ذلك بمونار وبشكل افضل واكبر لكن نخليها يوم لتراها وتقطع الطريق بين كومراكوم ومونار - يوم اذربلي ومنها للمطار

ما قصرتي يا اختي على رايك الطيب
لكن انا بحث في المواضيع والتقارير ووصلت
إلى
اول يوم في كوتشن قلت بعد التعب نرتاح في فندق هولدي ان
ثاني وثالث ورابع يوم في مونار فس سلفر تبي يومين والريوم الرابع في كولاب مونار
وخامس يوم في تيكدي في فندق greenwoods
وسادس يوم في كومركم في فتدق زوري
وسابع يوم في مراوي
ويومين في كوتشن عشان المقاضي والهداياء وفي منتج رماده
انا حاس اني زانق نفسي في بعض المناطق
لكن حجزت وتوكل على الله
وهي لن تكون الزياره الاخيره ان شاء الله
بس اختي وش تنصحينني ان ازور في مناطق
مونار
وتيكدي
وكومركم
ومراوي
وكوتشن
وما هي الاشياء التي ينصح بتسوق والشراء منهم بحكم خبرتك
لاني رايح عائله وش هي الاشياء الي نتقض منها وتكون رخيصه
ومتوفر عندهم في هذه المناطق مثل الاقمشه والهدايا والبهارت
شاكر لك

ترا الأماكن هذي اسمها أكبر من حقيقتها واذكر اني حافظ موضوع لإحد الأعضاء اعتذر له لإني نست اسمه :

• الاماكن السياحية ب كوتشن وماحولها :
• شلالات اثيرابلي.. تبعد عن كوتش ب ساعتين وب 78 كم
• شلال آزاتشال":على طريق شلال اثيرابلي ويبعد عنه 12 كم
• حديقة الفراشات... على طريق اثيرابلي
• مدينة الالعاب المائية ( فيجا لاند )
• ملاهي حلم العالم وملاهي اخرى ... على طريق اثيرابلي
• متحف تاريخ كيرلا
• متحف قصر رويال
• شبكة الصيد الصينية
• شاطئ فورت كوتشن
• شاطئ Cherai لجزيرة Vypeen مثالي للسباحة. ورؤية الدلافين اح
• شاطئ مرين دريف
• جزيرة ولنغ تن
• قلعة كوتشن
• مول Oberon ... به مطعم العربية ((جميل)).....
• المول الكبير (( كاليان سيلكز))
• الاماكن السياحية ب مونار وماحولها :
• سد مارتبويكي وبحيرة الصدى
• سد كوندلا
• جبل راجاملي والحديقة الوطنية.
• مصنع الشاي
• بستان الورود
• حديقة بسيطة .

الاماكن السياحية ب بتكدي وماحولها :

• الحديقة (الغابة) الوطنية والبحيرة
• ركوب الفيله
• ركوب عربة الثيران
• الفنون القتالية والنارية والمسرحية الهنديه
• مزرعة النباتات الغريبه والبهارات

اذا انت مصر على جدولك أقل شيئ خل أول يوم في اترابالي في رين فورست اقرب للمطار وكوتشن لا حق عليها , واشترط عليهم تسليم المبلغ في المطار علشان مايودونك لكوتشن مثل ماصار معي .

اما كوماركوم فلا تخرج من زوري متعه لوحده وعند التشك اوت خذ الهاوس بوت من كوماركوم 4 ساعات يتخللها الغداء وخل السواق يروح وينتظركم في مواقف الهاوس بوت في مراري .
وفي مراريوكوماركوم ليس هناك شيئ يدعوا للخروج من المنتجع .

جزاك الله الف خير وما قصرت وفيت وكفيت
وش افضل اماكن للتسوق
ووش تشتهر المناطق الي بروح لها عشان اشتري ارخص
الله لا يهينكم ويسلمكم

ماهناك تسوق يذكر لكن .......
مونار عندك الشاهي بانواعه .
تكدي البهارات والقهوه والهيل بس سعرهن مثل الي عندنا او أغلى .
الملابس تحوم السبد ومافيه غير كوتشن .

ما قصرت وسلمك الله يا (درب )