مرحبا اخوي لاتحاتي لندن كلها عرب وخليج والنقاب عادي جدا ومافيه اي مضايقات اما بالنسبه لزوجتك ماراح احد يفتشها الا مره لانهم جدا متفهمين لدين الاسلامي
ورحله سعيدة

مرحبا اخوي عبدالله
ما في نظام او قانون يمنع من وضع الحجاب والنقاب للمراءة المسلمة في بريطانيا ،
وطريقة التحقق من شخصية المراءة في المطار ممكن تشيك الجواز عند موظفه ...
وتبي راي اخي الكريم عبدالله
بالنسبه للحجاب لاجل تاخذ راحتك انت وزوجتك انصحك بحجاب اخواتنا الكويتيات في الخارج صراحه لبسه مريح جدا حجاب ساتر وفضفاض، ولا يلفت النظر.
وممكن المشرف المحترم ... يفيدك اكثر ..,
تحياتي ،

اشكرك اخوي محمد جونير
فكره جيده تشيك على الجواز موظفه
لكن بالنسبه للحجاب الكويتي ماعندي فكره عنه
تقبلوا شكري على تفاعلكم

هلا بأخي الفاضل لا تحاتي بأمور الحجاب والنقاب انا قعدت سنه كامله وزوجتي منقبه فلاتحاتي
أن شاءالله إذا رحت لندن بالصيف ودخلت الهايد بارك أذكرني رتح تقول أنا مو رايح حديقه لندن تقول رايح حدايق بالخليج الرجال الكبار بالسن دشداشه وغتره وعقال والحيريم عبايه
ولا تشيل هم هذي الشغله. رحله موفقه

اخوي المزعج
شكرا لك ، لاني بصراحه لايمكن اتنازل عن ذلك
شكرا

على حسب كلام زميلاتي النقاب ممكن وعادي جدا
وممكن بدلا من النقاب تتلثم وتلبس نظارات , كذا حلو وما أحد راح يشوفها .

النقاب امر طبيعي في لندن واغلب دول اوروبا ولكن في لندن احس شي مألوف
بالنسبه للعبايه في عبايات تكون ملونه افضل من السوداء حتى ماتلفت الانتباه وراح تلقاها بأغلب محلات العبايات
وبالتوفيق

حالها حال البنات كاب او عبايه ملونه والحجاب مع لثمه ملونه وتمشي وتنبسط