السلام عليكم ورحمة الله وبركاته
انا عضو جديد وقرأت كثير من ارائكم واستفدت ومشكورين,وبعد
انا موعدي في 17 نوفمبر 2009 بالنسبه للاجراءات مخلص بعضها
المهم عندي استفسارات بسيطه لانه انلحس مخي ومافهمت شيء
1- الجواز القديم ضروري اجيبه معي في المقابله؟؟
2- انا كنت مسافر لسوريا عام 2001 كان عمري 10 سنوات هل فيه اشكاليه لوتكتمت على الموضوع وقلت لهم ما سافرت؟
وما جبت الجواز القديم معي؟لانهم متشددين في هالسالفه؟؟
3- في النموذج دي اس 157:
- السؤال رقم 17 / "يجب كتابة كل المؤسسات التعليميه التي درست فيه........إلخ" هذي ما فهمتها ابدا ؟؟؟ارجو التوضيح
4- في نفس النموذج :
"إثبات روابط قوية في المملكة ..." السؤال كيف او ايش الطريقة عشان اثبت الروابط وش اكتب ولا وشهو الخطاب اللي احظره معي يعني كيف اثبتها عمليا ؟؟؟؟
5- من وين اجيب وصل السيفس
6- شهادة الدرجات الرسمية :
"يجب على المتقدم الاساسي تقديم شهادات .....إلخ" هذي بعد ما فهمتها؟؟؟؟
7- الاثبات المالي انا جايب ضمان مالي بقيمة 134500 ريال هل هي كافيه ؟؟؟
أدري انكم بتقولون وش هالكمخة اللي مو فاهم شي بس اعذروني ....وشكرا
1- الجواز القديم ضروري تجيبه معاك ... اذا ضايع او تالف تجيب برنت من الجوازات.
2- اذا مسافر سوريا تكتب انك زرت سوريا وتكتب السنة اللي رحت فيها. عادي كثيرين طلعوا فيز وهم قد زاروا سوريا. مافيها شي اهم شي تكون صادق معهم وبعدين كان عمرك 10 سنوات تقول رحت برفقه الاهل.
3- المؤسسات التعليمية مثال: تكتب جامعة الملك سعود تاريخ الالتحالق 2000 حتى 2005
وهكذا وتكتب الثانوي ايضا.
4- حلوة كيف اثبتها عمليا خ
طيب تثبتها عمليا _على قولتك_ بانك بعد التخرج راح ترجع للسعودية مثلا تقول ابغى اشتغل في شركة الوالد او انك تفتح مكتب او اي شي ... يعني تعطيهم ايحاء بانك راح ترجع للسعودية بعد ماتنتهي من دراستك. وهو بدون خطابات ولا كتابات هم راح يسؤلونك وانت تجاوبهم.5-بالنسبة للسيفيس اذا دفعت وانتهيت عن طريق موقعهم. فيه امر طباعة ... تطبعه وتجيبه معك في المقابلة.
6- تجيب شهاداتك مترجمة يعني مثلا انت رايح تدرس ماستر تجيب لهم شهادة البكالوريوس مترجمة ومعتمدة وجب معاك حق الثانوي مايضر احتياط.
7- الضمان المالي بهذا المبلغ حلو جدا.
بالتوفيق ياخوي وعقبال ماتاخذ الفيزا
اتمنى اكون افدتك