استفسار مهم مهم جدا القطار من انترلاكن الى فينيسيا معقوله الكلام ذا

نوبة سياحية

19-01-2022 - 10:58 am

عادي تنزل وبيقولوا لك هذا قطارك الثاني وبتحصله ينتظرك ..
لاتخاف شغلهم بروفيشنال وانت عاد خلك خفيف وجهز نفسك واللي معك بخفة وسرعة تراهم مايلعبون ..
عموما الوضع عادي جدا مافيه داعي للقلق مرة صار لي فقط خمس دقائق لكن التبديل مباشر من باب القطار ذا الى باب القطار ذاك

أبو رياااااااااان

19-01-2022 - 11:59 am

فصولي القطارات غالبا جنب بعض
يعني تنزل وتركب
وزي ما قالوا الاخوان جهز شناطك اول ما تحس القطار قريب يوقف همن انزل مباشرة وخلاص
لا تخاف

FSOLY

19-01-2022 - 01:00 pm

معليش يا شباب .. خلوكم واقعين شوي....
ست او ثمان دقايق ... مستحيل اصلا ما يمديك حتا تطلع من قطارك ... ثم شي طبيعي بتسأل عن قطارك الثاني الي تبي تركبه بعد ماتنزل من قطارك ... يعني السؤال بعد يبي منك حول الأربع دقايق ...
انا اشك ان الموضوع فيه لبس... يمكن انا غلطان او ما فهمت الجدول صح ... ولا هو شي واقعي بين كل قطار كم دقيقه..؟؟
حنا عائله اربعه كبار و ثنين صغار....... يروح على القطار و الله بنهبل..

لوي فيتون

19-01-2022 - 02:01 pm

اول ما تقربون من توقف القطار اوقف وشل شنطتك
ورح اوقف انت واهلك جنب الباب
ومن يفتح القطار انزل
ترا هناك مافيه تمطط ويالله تمشي لا كل شي بسرعه
اساسا بعض القطارات هناك توقف 4 دقايق يعني الي بيركب يركب والي مو راكب قلعته
ترا الموضوع سهل بس انت اول ما تركب اول قطار راح تعرف النظام

FSOLY

19-01-2022 - 03:03 pm

لوي فيتون::
انتي متأكده انها سهله ..؟؟ لدرجت ان يمديني خلال 8 دقايق بس؟؟؟
طيب شلون اعرف رقم او مكان القطار التالي..؟

الحكومه

19-01-2022 - 04:04 pm

اخوي انتو عايله كبيره او مجرد شخصين واغراضكم تقريبا كم شنطه؟

الحكومه

19-01-2022 - 05:05 pm

انصحك اذا عندك اطفال وتحس انك بتتأخر تشوف لك القطار اللي بعده ..
واشوف ان عندك في الرحله وقت يكفي بين كل قطار و قطار يعني مده تقريبا 15 دقيقه واتوقع تكفي..
https://artravelers.com/p/re/62167
هذي وصله لموضوع ابوعزيز عن يوريل باس اطلع عليه ممكن يفيدك من ناحية الاسعار..ادري انت ما سألت لكن انا كنت اطلع عليه و قلت اكيد بيفيدك

FSOLY

19-01-2022 - 06:06 pm

حبيبي .. الحكومه::
حنا 4 كبار و 2 صغار .. يعني ما اضن يمديني .. و المشكله ما فيه قطار بعده .. و اذا فيه بتطول المده 3 ساعات تقريبا و بنقص تذكره ثانيه عشان ناخذ قطار ثاني لديره ثانيه ثم لفينيسيا .. اما قطار يجي بعه مثله دايركت لفينيسيا .. لأسف ما فيه..
وش السوات .. ابي تجاربكم انتو وش سويتو؟؟

FSOLY

19-01-2022 - 07:07 pm

حبيبي .. الحكومه::
حنا 4 كبار و 2 صغار .. يعني ما اضن يمديني .. و المشكله ما فيه قطار بعده .. و اذا فيه بتطول المده 3 ساعات تقريبا و بنقص تذكره ثانيه عشان ناخذ قطار ثاني لديره ثانيه ثم لفينيسيا .. اما قطار يجي بعه مثله دايركت لفينيسيا .. لأسف ما فيه..
وش السوات .. ابي تجاربكم انتو وش سويتو؟؟

سويسرا المسافرون العرب