حياك الله
يالنسبة لتخصصك تقدر تكمل بتخصص اداري
لكن عندك شروط لازم تحققها عشان تنقبل
اقرا الرد رقم ( 10 ) فيه جميع مايخص القبول بالجامعات الامريكية
مدة الدراسة تقريبا سنتين هذا من غير اللغه
والتكلفة والله غاليه ياخوي خالد
يعني سنه تقريبا مب اقل من 30 الف دولار

جزاك الله الف خير
ومشكور على ردك واهتمامك

السلام عليكم ورحمه الله وبركاتة
لو سمحتو عندي استفسارين
احد يفيدني بالجامعات الي تدرس الماجستير في البزنس او الاعمال الادارية في ولايات امريكا ويفضل الجامعات التي تسهل عملية القبوول لاني سمعت ان بعض الجامعات درجه القبول صعبه ويفضل ان تكون دراسة اللغه في الجامعه نفسها
اما بالتسبه للاستفسار الثاني
ماهي الولايات الي تشوفونها مناسبة للدراسة وليست غاليه؟

اخوي اعذرني اني ماحطيت رابط مشاركة سابقة لي
تبين آلية القبول بالجامعات الامريكية
تفضل هذا الرابط

علماً انه يستوجب عليك الحصول على تلك الشروط خصوصاً ان المجلس الاعلى للتعليم مضيق الخناق على الطلاب ومعترف بعدد قليل من الجامعات
لي عوده بعد ماتقرأ المشاركة

الصراحه ماقصرت على هذا المجهود ويجلعه ان شاء الله في ميزان حسناتك
استفدت منك كثير بالنسبه لشروط القبول بس مثل ماقلت انت يبيله جهد وبحث كثير وان شاء الله الله يعطينا على قد نيتنا
سووال اخير اذا سمحت متى تبدا الكورسات عندهم في السنه الجديده يعني في اي شهر لاني ناوي اروح شهر 2 ومن متىى تنصحني اني اقدم على الجامعات يعني ابد من الحين اراسلهم افضل؟ واذا سمحت اذا عندك رابط للجامعات اللي تدرس الماجستير عشان اراسلهم
انا شاكر لك الصراحه على مجهوودك والشاهد الله انا احنا ندعيلك بكل خير عسى الله يكثر من امثالك
اخوك خالد

بالنسبه لشهادة ماجستير mba اللي هي تخصص بزنس
شرايك فيها تنصحني اخذها؟
وياليت لو تدلني على الجامعات اللي فيها هالتخصص مع دراسة اللغه في الجامعه يعني ماتشترط علي الجامعه التوفل لانه يبيلي تقريبا 6 شهور دراسه لغه
وشكراا جزيلأأأ

الله يجزينا وياك الجنه اخوي خالد
بالنسبة لتخصص اكيد مطلوب
لكن المشكلة في الجامعات اللي تعترف بها هيئة التعليم العالي .. صعبه جداً جداً جداً جداً
والطامة الكبرى الان مع اللسته الجديدة وهي الاعتراف بالتخصص فقط وليس الجامعة ككل
يعني تلقى تخصص mba له 10 جامعات مثلاً .. ويخصصون لها صفحة كامله ان ياطلاب شوفو عشر جامعات لتخصص واحد فقط
وتخصص اخر مثل تسويق له عشر جامعات
ولو بترجع تلقى كل التخصصات في الجامعات العشر
لكن في شغلة تقدر تسويها اذا انت تبي تدرس على حسابك الخاص وهو انك تروح لاي جامعة تبيها بشرط ان الدولة اللي فيها تعترف فيها
بس لها آلية معينه بيفيدونك فيها الاخوان في الهيئة
قبل كان المسؤول عن الاعتراف احمد علي اللي كان في وزارة التعليم والان صار مدير الهيئة
على العموم هي قائمة الجامعات اللي تعترف بها الهيئة
المجلس الأعلى للتعليم في قطر: الصفحة الرئيسية للمجلس الأعلى للتعليم: قائمة الجامعات الرسمية http://www.sec.gov.qa/hei/universities/universities.php
تقبل تحياتي