- واخر استفسار هوا بخصوص اني قريت انو لازم يكون عندي
السلام عليكم
اتمنى منكم مساعدتي انا حقدم على فيزا دراسيه من نوع ELICOS subclass 570
وهي دورة intensive english دورة في اللغة الانجليزية المكثفه لمدة 6 شهور في معهد كابلان ببيرث في استراليا
انا يمنيه مقيمه في السعوديه بجده ورحت للمكتب الرئيسي بجده واخدت ورقه مكتوب فيها الطلبات لاني اعتقد مابقدر اقدم اون لاين لان اليمن غير مصنف فئة 1
فهل راح يتم النظر في طلبي على اساس اني مقيمه في السعودية وهي احد دول الخليج المصنفه رقم 1 ام حيتم التدقيق على جنسيتي وحتترفض فيزتي عشان هالشي ؟
استفساراتي هي انا عندي اخ في استراليا وهوا مواطن استراليا فهل اجيب سيرته ام لا لان العض يقولي لاتجيبي سيرته لانو راح يعتقدو انو يبغى يسحبك لهناك وماترجعي وحيرفضو طلبك والبعض يقولي لاتتستري عن هالشي لانو بكبسة زر راح يكتشفوه وحيرفضو الطلب لانك خبيتي وحيعتقدو انك ناويه تروحي عندو وتبلطي فما رايكم انتو اجيب سيرته في الابلكيشن واقول انو عندي احد هناك ام لا علما انو في اختلاف بسيط بين اسمي الرباعي واسمه ؟
انا فكرت اني اروح فيزا سياحية او زياره يرسلي فيها ومن هناك احول على فيزا دراسيه واسجل بالمعهد بس عرفت انو فقط فئة 1 هما اللي يقدرو على هالشي
ثاني استفساراتي هي الضمان المالي في الشروط بالموقع للدول من فئة 3 لازم يكون لمدة 18 شهر يعني سنه ونصف حتى لو مدة الدراسه والاقامه اقل من كدا فحابه اعرف كم يعني ممكن يكون المبلغ اذا حسبنا الدراسه في المعهد لسنه ونص مع تكلفة المعيشه والسكن تقريبا يعني كم المفروض يتوفر بالحساب البنكي
وبالنسبه لكشف الحساب انا جبت ورقه من عمل والدي ببيان راتبو والوظيفه مصدقه لانو هوا كفيلي لاكن الكشف البنكي باسم اخويا لانو والدي ماعندو حساب بنكي ويضع فلوسو في حساب اخي الطالب فهل في مشكله اذا كان ورقة العمل والكفيل والدي والحساب باسم اخي ام اخلي والدي يكتب خطاب يبين فيها انو كفيلي وانو يضع اموالو عند اخي وهوا مازال طالب لاني ماقدر اجيب ورقة منعمل اخويا واخليه كفيلي لانو مابيشتغل مازال طالب جامعي
واخر استفسار هوا بخصوص اني قريت انو لازم يكون عندي
PRE-VISA ASSESSMENT (PVA) LETTER او بمعنى تقييم للطالب وهادي للدول المصنفه 3 بس انا مافهمت هالشي ولا من وين اجيبو علما ان مكتب السفاره ماجاب لي سيرة هالشي هل فعلا ماراح احتاجو بما اني حقدم الطلب من السعوديه ونا مقيمه هنا ؟؟
ياريت أي احد منكم عندو أي معلومه او يقدر يبحثلي او يسالي بخصوص استفساراتي يساعدني الله وحدة العالم قد ايش انا مهمومه واللي حيساعدني حيفرج كربتي باذن الله
وياريت اذا في احد مقيم سواء يمني او من أي جنسيه باحد دول الخليج وخاصه السعوديه سبق وقدم فيزا لدراسة اللغه او الجامعه وجاه قبول يبشرني ويفيدني بالمعلومات
جزاكم الله خيرا
