الجدول ممتاز خلك عليه لا يغير رأيك احد
احجز التذاكر من محطه القطارات لكل مدينه
بالتوفيق بالرحله

شكرا يا طويل العمر ، لا عدمناك

السلام عليكم انا ناوي اروح لايطاليا لحضور معرض سيرزاي من 25الى 29 سبتمبر
ابي اعرف اذا ممكن 1/المسافة من روما الى مدينة بولونيا 2/ سعر التذكرة على الخطوط السعودية غالى جدا هل فية وسيلة وصول رخيصة واقل تكلفة مثل القطار الباص
3/بولونيا غالية في المعيشة او رخيصة والفنادق
4/

سكون الليل1212
المسافه تقريبا من روما محطه الترميني الي بولونيا محطه شنترالي بحدود الساعتين
بالنسبه للسؤال شلون الخطوط السعوديه غاليه مافهمت ؟
بالنسبه للنقل افضل شي القطار وهو الارخص والافضل والاسرع
المنطقه ليست سياحيه كثيراً بتحصلها رخيصه حتى فنادقها
بالتوفيق

استفسار آخر يا عزيزي ، رحلات القطار من مدينة لاخرى هل احجز في نفس اليوم او قبلها بفترة؟ ومت اسم محطة القطار في فيرونا؟ شاكر ومقدر

نفس اليوم لان تقريباً في كل ساعه رحله
اسم محطه فيرونا هي فيرونا بورتا نافونا
Verona Porta Nuova

يا عزيزي ، احرجتني بذوقك ورقيّك
آخر استفسار لا هنت ، كنت قبل شوي في مكتب سفر وسياحة لاستخراج فيزا ، وقال ما عندي الا من التشيك لمدة شهر ب 740 ريال واستلمها خلال 12 يوم !!
سؤالي يا طويل العمر هل ستواجهني مشكلة في ايطاليا بالفيزا التشيكية ؟ ام لابد من الايطالية ؟ وما الفرق بينهما في الاجراءات في مطار روما ؟
علما بان زيارتي ستقتصر على ايطاليا وقد ازور لوغانو ايضا.
اكرر شكري وامتناني لشخصك الكريم

ولو ماسوينا الا الوجب
اخي المكتب بينصب عليك باقي على سفرتك شهر شنو الي مايصير الا تطلعها من التشيكيه هذا الظاهر ماعنده مجال الا من التشيك
وقانون الفيزا الشنقن واضح وضوح الشمس اكثر مده بتقعد فيها في دوله لو كنت بتزور دولتين هي الي تخرج من سفارتها الفيزا ولا ماراح تدخل
وان كانت دوله وحده مايصير تخرج الا من فيزتها
واذا كنت بتزور لوقانو لازم الفيزا ايطاليا اذا كانت مده ايطاليا اكثر
والسفاره الايطاليه ماراح تاخذ وقت معاك بسرعه بتطلع الفيزا واذا ماتبي تاخذ موعد تروح للسفاره وتدفع مبلغ زهيد ويدخلونك مع ال vip
وتنهي اجراءاتك بالكثر خلال 7 ايام الي 10 ايام اسحب على المكتب لانك اذا طلعت التشيكيه ماراح تدخل ايطاليا
والفلوس الي بتدفعها للمكتب بتخلص فيها اجرائاتك وبتوفر معاك منها بعد
مع تمنياتي لك بالتوفيق