ابوجناا
22-01-2022 - 01:25 pm
السلام عليكم يااخوان
ابي اسألكم انا حاجز 10 ايام وابي اقضي منها 5 في اسطنبول و5 في اوزنجول بس ابي اسالكم هل بورصه ويلوا وجزيره
الاميرات قريبه من اسطنبول بالسياره ولا لازم اروح اخذ فندق في بورصه ويلوا لاني بصراحة مابي تنقلات بين الفنادق وهل
اوزنجول بعيده عن اسطنبول يعني لازم طيران ولا السياره افضل
ياليت تفيدوني عاجلا
بورصه ويلوا قريبه نوعا ما من اسطنبول وكثير من الناس يروح ويرجع لهم بنفس اليوم عن طريق العبارة السريعه وتاخذ تقريبا من اسطنبول الى يلوا 20 دقيقه بالعباره وبالباقي تكمله سياره الى بورصه ولكن احرص ان ترجع بنفس الطريقه
وجزر الاميرات ( هي عبارة عن 4 جزر ) وقليل جدا من الناس يسكن فيها يعني اغلب الباخرات توديك برحله وترجعك بنفس اليوم ... وبما ان مدتك قصيره جدا فانصجك تكنسلها لان مافيها شي مهم او غريب ويسوى
اما اوزنجول فبعيده جدا عن اسطنبول حوالي 1200 كلم وتاخذها بالسياره من 14 الى 16 ساعه اما بالباص فبتكون اكثر وقد تمتد الى 20 ساعه ... فطبعا الطياره اريح ... بأنك تروح من اسطنبول الى طرابزون بالطياره ( ساعه ونصف تقريبا ) وبعدين من طرابزون الى اوزنجول بالسياره ( ساعه ونصف الى ساعتين )
والله يحفظ الجميع ,,,