دام انك رايح نهاية شهر 8 يعني في اخر الموسم من رايي انك تحجز من هناك احسن لسببن اولا راح تشوف مستوى السكن اللي راح تاخذه بشكل مباشر غير لما تاخذ سكن من المكتب السياحي وبعدين تنصدم وتلعن المكتب اللي اخذت منه وساعتها تروح فلوسك وما ينفع الكلام والثاني راح تحصل شقق او غرف في فنادق كثيره بناء على تجربه مني في نفس الوقت العام الماضي على سياره.
بالنسبه للباص السياحي تقدر تاخذ رقم تلفونه من اي مكتب سياحي هناك ويوميته 60 دولار يوديك اي مكان تبي وتقدر تتفق معاه اتفاق ثاني مثلا تخليه يوديك اي منطقه تبيها والديزل عليك ويوميه له اقل من 60 دولار طبعا

بالنسبة للفنادق وأسعارها اذا كنت في الكويت فهناك عروض جدا مغرية واسعار ولا ارخص
خصوصا فندق جراند أبانت و فنادق بورصة
وشنو تقصد بالرحلات الداخلية هل هي الطيران الداخلي
واذا تبي سائق راسلني على الخاص

اخي العزيز هناك مراكز للتكاسي في بعض المناطق الحيوية في اسطمبول وغيرها ويكفي ان تتفق مع احد السائقين باليومية
تحياتي

مشكورين ياعزائي
بوعيال
احس ان الباص كثير علينا انا اثنين بس وهل 60 دولار سعر طبيعي حتى لو كانت السيارة صغيرة
الاسطنبولي
حاولت ارسل على الخاص ولكن حسابك مليان فلوس...... قصدي رسايل
ياليت ترسلي تفاصيل السائق الخاص على الخاص
آخر الفرسان
اخاف اسويها ويطلع السواق نصاب وانا معي زوجتي والمسألة ما تحتمل المخاطرة لذلك افضل ان يكون عن طريق مكتب او فندق اضمن ولا وش رايك

الاخ بوشوق
انا سافرت مع صديق كل واحد مع اهله وبسيارته والباص كان بالنسبه لنا رخيص لانه يشيل 15 شخص تقريبا وكان الحساب بالنصيفه اما من ناحية التكاسي في انواع تكسي اعتقد لونه اصفر او برتقالي وهذا خاص حق للزبون وسعره معقول وتقدر تتفق معاه على اي مشوار تبيه حتى لو بره المنطقه وفي نوعين من الاتفاق مع البنزين او بدونه واذا ما عجبك سعره في الف تكسي غيره بالشارع وفي التكسي الابيص هذا نفس طريقة الباص يمشي خط واحد ما يلف لغاية السوق وزباين صاعدين ونازلين (مشترك) وهذا رخيص طبعا ويصلح حق الشباب اكثر وهالكلام ينطبق على منطقة بورصه اللي انصحك تروح لها لان الناس اللي فيها محترمين جدا ويخدمونك ببلاش وامان.