عليكم السلام ورحمة الله وبركاته أولا تروح وترجع بالسلامة
موعدك مقارب لموعد رحلتي وتعتبر هذه الرحلة الثانية لي بإذن الله المرة السابقة رحنا شباب وهالمرة قررت آخذ الأهل والأولاد
نجي للأسئلة
1- الدافور ممنوع بالطيارة . تقدر تشتري من كوتشي وقيمته تقريبا 70 ريال
2- الميزانية حسب صرفك وطالما حاجز السكن والسيارة والسواق أعتقد 3000 ريال كافية تزيد أو تنقص حسب مشترياتك
3- المرة السابقة ما تطعمنا توكلنا على الله ورحنا وجينا بالسلامة ... بس أبعد عن الأماكن الوسخة قدر الإمكان واستخدم كريمات النامس واللصقات عند النوم توضع على أطراف السرير تلقاها بالصيدلية
4- سبق إجابته ..
5- الأكل ..... فيه مطاعم ممتازة مثل مطعم المجلس بكوتشن ومطاعم الفنادق والمنتجعات خصوصا زوري ..والتيوس جرباناها في مونار تقريبا 200 ريال وطبخنا داخل المنتجع مونتل كلوب والدجاج متوفر اذبح بنفسك تيوس أو دجاج
ولازم تأخذ معك بعض الأجبان والبساكيت والتمر ... و.....و.....
6- اتمنى أكون أفدتك ولو بجزء بسيط ولا تردد بطلب أي شي

الله يجزاك خير أخوي بندر ويبارك فيك ما قصرت صراحة
بس استفسار بسيط بالنسبة للفلوس الأفضل أحولها من الرياض ولا من هناك
وهل أحولها دولار ولا روبية
وهل محلات الصرف (تغيير العملة ) منتشرة هناك
وفقكم الله

هلا أبو فيصل الفلوس الدولار أو الريال مرحب به هناك... الدولار أفضل عشان تخف لو فلوسك واجد........ههه
وتقدر تستخدم بطاقة الصراف العادية من صرافاتهم
ومحلات الصرافة منتشرة هناك لا تشيل هم واحتسي نفسك بفلوس للطوارئ لاسمح الله خصوصا إنك بعائلة..
وأي شي عندك اسأل ولا تهتم

الله يجزاك خير أخوي بندر ما قصرت
بيض الله وجهك