عليكم السلام ورحمة الله
في البداية بالنسبة للمخالفات حسب خبرتي المتواضعة ومن التجارب الشخصية فإنها لا تدفع عند الجسر ( ليس لها علاقة بالجسر ) الدفع يكون في المرور عند تسجيل السيارة ( أقله ينطبق على السيارات البحرينية أتمنى الأخوان في السعودية يفيدونا بالنسبة للإجراءات عندهم.
بالنسبة للخروج بالسيارة من الحدود فهو أمر عادي وبسيط جداً ما عليك سوى تأخذ تفويض مكتوب ( حتى لو بخط اليد ) من مالك السيارة يعني اللي السيارة بإسمه مع توقيعه ونسخة من بطاقته المدنية وراح يسألونك عن التفويض عند كابينة المرور ( إحدى الكبائن اللي راح تمر عليها وانت على الجسر ).
وأعتقد بما إنك مفوض لقيادة السيارة في عقد الإيجار فإن شاء الله تقدر تطلع فيها البحرين ما عليك سوى إنك تاخذ تفويض من خالك وأمورك طيبة ولا تخاف من شي وحياك الله في البحرين.

السلام عليكم ،
اولاً: المخالفات مالها علاقه.
ثانياً: لازم خالك او انت تحصل على تفويض سفر للخارج من الوكاله واذا وصلت للجسر تدخل قسم مرور جسر الملك فهد تصدق التفويض من عندهم. ( موقعه مقابل كودو على اليمين)

أهلا بك ..أنا أظن أن الأفضل تسأل أهل السعودية .. لأنهم أعلم بطبيعة قانون المركبات هناك .. وهل يسمح بذلك أو لا ..
أما إذا تجاوزت تسجيل السيارة في السعودية والجوازات السعودية .. فما راح يوقفك أحد بالبحرين ..
بالتوفيق

مشكورين يا اخوان وما قصرتوا وقريبا راح نزوركم

مرحبا اولا تروح انت او خالك الوكاله وتطلب تفويض خارجي للسيارة موجه الى ادارة المرور
ثانيا تروح المرور ومعاك التفويض اللي من الوكاله والاستمار والرخصه والتامين والفحص اذا السياره قديمه ..
المرور راح يطبع لك تفويض خارجي على ورق رسمي من المرور وبكذا تقدر تسافر بالسياره
تحياتي

رحت اليوم للوكالة وقالو لازم تجيب كفيل غارم اذا تبي تفويض للسفر خارج المملكة
مشوار