*احلى حلوه*
16-03-2022 - 11:07 pm
بعد جهد جهيد وزن ورن وحن الحمدلله تمت الموافقه على اني
اسافر النمسا .. وبنفس الوقت ابي ازور ميونخ .. او سويسرا وان جت فينيسيا منب مخالفه
..لاني دامني وصلت هناك حرام ما ازور هالمدن
ما ادري وش تنصحوني قسم دار راسي من المنتدى عجزت اجمع شي ..
فما ادري كيف احجز الطيران من الرياض لفينا والعوده من ميونخ والا كيف
..وابي اسال عن طريقة التنقل من المدن عن طريق طياره او سياره ..او قطار مع العلم
اني بستأجر سياره بس اخاف المسافات بين المدن تكون بعيده
لاني ناويه بإذن الله ازور مدن النمسا ..فينا سالزبورج زيلامسي انسبروك
وميونخ وهايدي لاند ..
بس المشكله ما ادري كيف تكون خطة السير .. والسيارة اللي بستاجرها اقدر اروح بها جميع هذي المدن
والا ما اقدر اطلع بها من دوله لدوله ..
ياليتكم تساعدوني لاني ناويه باذن الله احجز على 30 اغسطس لمدة 15 يووم ..
ابي ازور هذي المناطق كلها لي سنه احاول اقنع زوجي بالسفر لاوروبا وهو متخوف .
بس الحمد لله وافق بس علي الترتيبات ومابي اتفشل قدامه !!!!!!
وهل مبلغ 20 الى 25 الف يكفي سكن وتنقلات من غير التذاكر مع ..واذ مايكفي كم المتوقع ..
ياليت المساعده
والعودة أنا أفضلها من ميونيخ مع إلغاء فينا ولو كان لا بد تروحون لفينا فاحجزوا عودة منها وسلموا السيارة فيها