1. moomoo212


2. 3. ستي سنتر البحرين.


3. 4. السيف مول.

moomoo212

يا هلا الغالي تشرفنا بتسجيلك معانا وبزيارتك للبحرين بإذن الله تقضي وقت ممتع ورحلة سعيدة إلى لندن
6 ساعات مدة مناسبة إنك تقضيها خارج المطار , ووسط مدينة المنامة مع الزحمة لا يبعد عن المطار ( نص ساعة ) وذلك لأن مطار البحرين مثل مطار دبي يصير في وسط الديرة ( بين المناطق السكنية ) وليس كمطارات دول الخليج الأخرى يكون خارج المدينة ,
عموماً تقدر تاخذ لك غرفة في فندق موفنبيك المطار , وهو فندق راقي من فئة 5 نجوم وفيه مختلف سبل الراحة كالمطاعم والنادي الصحي وغيره من مرافق الاستجمام وهو ملاصق للمطار فقط مسافة 5 دقائق مشي على الأقدام ,
وكذلك تقدر تاخذ التاكسي ومباشرة تنطلق نحو المنامة , 6 ساعات مدة جيدة , ولكن حط في بالك إنك لازم قبل موعد إقلاع رحلتك إلى لندن لابد من التواجد قبلها بحدود ساعتين , يعني نقدر نقول عند 4 ساعات تقضيها خارج المطار ,
تقدر ترو ح أي مكان يعج بالمقاهي والمطاعم وتقضي وقت ممتع حلو , وعندك :
1. شارع الشباب / الجفير.
2. شارع الشيراوي / العدلية.

3. ستي سنتر البحرين.

4. السيف مول.

واذا ما حبيت تبتعد عن المطار , تقدر تروح جزر أمواج ( قريبة من المطار / مسافة 10 دقائق بالسيارة ) , وفيها العديد من المنتجعات اللي فيها مطاعم تطل على البحر في مناظر ساحرة , كذلك يوجد مجمع ( ذا لاغون جزر أمواج ) فيه عدد من المطاعم والمقاهي المطلة على مناظر جميلة واللي تقدر تقضي بها وقت جميل ,
الروابط التالية ان شاء الله تفيدك ولو بشكل بسيط ,
http://www.moevenpick-hotels.com/de/pub/ihre_hotels/worldmap/bahrain/uebersicht.cfm

شكراً اخوي بس القى تكاسي او مواصلات من السوق الى المطار ... ولا صعبه مالقى ...
الطلعة من المطار سهلة بس هل الرجعة له صعبة وتحتاج لف ودوران لاني ما ادري كيف نظام التاكسي بالبحرين ياليت تفيدني ~~~ الرجعة اهم من الطلعة معليش بس ابي افادة والله يجزاكم خير

مااحد عطاني اجابه القى تكاسي من السوق الى المطار وهي متوفره ولا فيها معاناة تنسيني الوقت اللي قضيته بالسوق

moomoo212
اخي العزيز التاكسي موجودة على مدار الساعة 7/24
رحلة سعيدة ان شاء الله

اشكركم اخواني ريحتوني لاني كنت شايل هم الست ساعات وين اقضيها ..