وعليكم السلام ورحمة الله وبركاته
نبارك لك قدومك على الزواج ونسأل المولى أن يجعله ميمونا
عزيزي شهر فبراير يكون شهر الصيف ويكون الجو حار ورطوبة
كما اتمنى ان تاخذ لفة في تقارير الاعضاء والاستفادة منها في تكوين فكرة عامة عن استراليا
مع تحياتي

بغيت استفسر ما عليكم امر
انا بروح ويا ريلي استراليا ماربون جولد كوست وسدني شهر الرحله تقريبا تقريبا جم يبيلنا مصروف من غير تذاكر و فنادق ولا تشري بخلي التشري ترانزيت اخر شي ب بانكووك لاني وايد قاعده احاتي يقولون حيل غاليه

الله يوفقك اخوي والف مبروك
انا مثلك عريس وودي اطلع شهر عسل استراليا في بداية فبراير وما اعرف شيء عنه
\
المدة : 12 الى 15 يوم
الميزانية : 30 الف ريال

الف مبروك عزيزي خذ وخل على الزواج وان شاء الله تسافر ويكون شهر عسل مميز وحلو
بخصوص سفرك إلى استراليا لا تحاتي ان شاء الله بنساعدك بكل شي تحتاجه ونعطيك كل المعلومات طبعا هذا إذا نويت حقا السفر إلى استراليا !!!!
بقولك على شي يمكن ماتدري عنه وهو ان استراليا بشهر فبراير يكون فيها فصل الصيف وليس مثل دول الخليج فصل الشتاء !!
لذلك ستكون حاره
ثاني شي الهاي سيزون او الموسم المزدحم عندهم هو بشهر يناير وفبراير ومارس يعني بفصل الصيف وراح تكون اسعار السكن أغلى بكثير من فصل الشتاء !!
ثالث شي وهو اهم شي فترة سفرك قليلة جدا جدا على استراليا !!!
ما انصح تسافر استراليا فقط لمدة 12 يوم وترجع !!
لا تنسى انها بعيده وتحتاج يوم كامل للوصول لها ويوم آخر للرجوع إلى بلادك ناهيك عن حجمها الكبير وتباعد مدنها وما يحتاجه ذلك من سفر داخلي وضياع جزء من وقتك بالتنقلات
فكر بالموضوع ومثل ما قلتلك إذا استقريت ونويت بشكل اكيد السفر إلى استراليا فسنساعدك إن شاء الله بكل ما تحتاجة
مع خالص التحية

الله يوفقك ابو سعود ويجزاك خير يا رب
والله اني محتار ما ادري وين اروح وودي استغل الوقت الحين عشان ارتب واحجز بدري
اوروبا برد وانا شارد منها
ماليزيا رايح لها مرتين قبل
فكرت بالمالديف حسيت انه مافيه حياة بس جلسة بالفندق يعني من الاخر بتخلص سواليفنا ههه
وودي تضعون بالحسبان انو ترتاح الحرمة بالحجاب
ما نستغني عن ارائكم يبو سعود وجميع الاعضاء
تحياتي

الله يسلمك عزيزي
ليش ما تفكر بتركيا ؟
جرب ادخل على البوابة التركية شوفلك بعض التقارير يمكن تعجبك

ممكن بعد اذنك مشرفنا اوضح
ارجو ضم شهر ديسمبر الى فصول الصيف والاكثر ازدحاما
تركيا جميلة وشهر فبراير بارد
مع تحياتي

طبعا ممكن يا خبيرنا
ما نستغني عن خبرتك يا أبو أحمد
واحنا تلاميذك