ابو ولايف
السلام عليكم ورحمة الله وبركاته
فندق ظفار على ما أعتقد جيد، بس فيه مرقص على ما أظن في الأسفل ويمكن ما يعجبك الوضع.
مجمع السعادة هذا حق عمي، عبارة عن فلل فندقية، لو كان عددكم قليل ما أنصحكم، لأن الإيجار مرتفع "120-140 ريال" ولكن لو مثلا انتو 6 ممكن، بس على ما أعتقد إنه حاليا محجوز بالكامل في هذيك الفترة ضمن زبائن دائمين منذ سنوات عديدة لأنه عائلي 100% وممنوع العزابية.
أنصحك بقرية سمهرم، عندهم أتوقع الشقة بحوالي 70 ريال عماني، وأجواءهم عائلية، بس أتصور إنك لو ما استعجلت في الاتصال والحجز ماراح تحصل حجز في مكان ممتاز، فحرك اتصالاتك لو ممكن، خصوصا إن الفترة المطلوبة هي الذروة.
وأنا أنصحك تستاجر سيارة، تاخذ راحتك وتكون مثلا تيدا "12-15 ريال لليوم" أو كامري "18 ريال"، المناطق بسيطة واسأل أي شخص يدلك ولا تاخذ في بالك هم، وإذا حسيت نفسك ضيعت طارد السيارات الخليجية تحصلهم يروحون أماكن زينة بس ترى لو تضيع في الجبل صدقني ماراح تندم ^_^.
وراح تكونون ضيوف وإخوة وأهل بآن واحد، تحياتي لك عزيزي، والسلام عليكم ورحمة الله وبركاته.
أخوكم في الإسلام

جزيت خيرا اخوي على التجاوب مع موضوعي
بس حبيت استفسر انا سألت عن قرية سمرهم
وقالوا لي الشاليه الصغير ب 45 ريال هل سعره
مناسب ولا مبالغين فيه لاني بصراحة ما سفت المكان
واذا كان يستاهل والسعر مناسب فياليت تقولي
طريقة الحجز عندهم لاني بحثت في موقعهم
ولا لقيت طريقة الحجز فيه
واشكرك مرة ثانية على تجاوبك

ابو ولايف
السلام عليكم ورحمة الله وبركاته
والله سعر زين أخوي، اللي أعرفه 70 ريال، وبخصوص التواصل ممكن تتصل بهم برقمهم وتنسق معهم، ولو في شي إن شاء الله نفيدك، تحياتي لك، والسلام عليكم ورحمة الله وبركاته.
أخوكم في الإسلام