السلام عليكم يا إخواني وأخواتي من الحفر كل عام وانتوا بخير بغيت اسأل عن سوق المويس للأواني المنزلية؟ أنا رحت له 3ايام العيد ولأول مره أشوف السوق انصدمت إنو هذا السوق اللي يتكلمون عنه بالكويت ماتوقعت يكون بهالشكل أهو صحيح بعد ما دخلت أكثر من محل ودخت حصلت محل واحد أو اثنين مكتوب عليه المويس هذا حصلت عنده أواني حلوه أنا توقعت المويس مجمع أو سوق مسقف أقل شي!!! مو مفتوح والجو كان حار دخت وانا أدخل من محل واطلع ما يعجبني إلا اللهم المحلين اللي ذكرتهم ! فالسؤال هل هذا أهو سوق المويس المعروف عنه ولا في سوق ثاني؟ يقولون في سوق المويس الجديد؟ وما كان في وقت أسأل !!! وفي وكيل السيف هذا اللي شفته مسكر بالعيد مقابل فندق اللأسطورة بالحفر؟! وبالنسبة للترفيه هل يوجد أماكن ترفيهية تصلح للعوايل والأطفال لأن إذا بنروح للأواني ودنا ناخذ الورعان نونسهم دام واصلين الحفر وشكرا لحسن تعاونكم.