دلوعة أمها
10-12-2022 - 05:13 am
مرحبا،، كيف الحال؟
بصراحة انا مو عارفة وين اكتب استفساري بالضبط لانه متعلق بعدة بلدان في وقت واحد
احنا عازميين ان شاء الله نروح هالصيفية على سويسرا أنا وأختي والوالدة والأهل
بس حصلنا باكج تمام على ثلاث دول لمدة 17 ليلة
نبدى بألمانيا بعدها النمسا وبعدين سويسرا
بالنسبة لتجزئة الأيام فهالموضوع مو محدد إلى الآن
بس نعتبر التجزئة صايرة بالتساوي على الثلاث بلدان
1. احنا من عشاق المنتزهات والألعاب الخطرة، فهل راح نلاقي هالنوع من المنتزهات في سويسرا والنمسا؟
2. من خلال خبرتكم يا اخوان ابو ريان وابو عزيز واخر الفرسان والجميع، كم هي الميزانية المثلى لبنتين في العشرين مع والدتهم،، مع العلم انه احنا نهتم بالسياحة والمنتزهات اكثر من السوق
طبعا اقصد الميزانية بدون التذاكر والفنادق والمواصلات
3. شرايكم بسوق سويسرا وشرايكم بسوق النمسا؟ واللي عنده علم بسوق ألمانيا يخبرنا
4. بالنسبة للجو للثلاث بلدان في يوليو وأغسطس،، كيف راح يكون؟
وشكرا،، انا عضوة جديدة وحبيت المنتدى وايد وحسيتكم مثل عايلتي الثانية
راح اكون عضوة دايمه معاكم واذا عندي استفسار ثاني راح ارجع
عساكم على القوة
