نشر في تايلاند

استفسار ل شهر العسل

Abdulla Farhan

10-09-2022 - 11:16 am

مرحبا أخواني
أنا راح أتزوج نهاية شهر 9 أو 10 ميلادي
وحاط في بالي لقضاء شهر العسل عدة خيارات ومنها تايلند
حالياً أدرس تكاليف الرحلة علشان أقدر أقرر
وما لقيت أفضل من هالمنتدى أستشير الأعضاء فيه حسب خبرتكم
الرحلة أبيها لمدة 13 – 15 يوم
من البحرين
كم تقريباً راح تكلفني الرحلة؟
شامل التذكرة والسكن والضرائب والفيزا والمواصلات والمصروف اليومي بشكل تقديري

التعليقات (3)

ابوراشـــد

10-09-2022 - 02:17 pm

حياك بالغالي والله يبارك لك ويسر امورك بالنسبه الرحله تعتمد على نوعية الفنادق وعدد النجوم ونوعية الرحلات اليوميه وتنوعها والمناطق اللي بتزورها
اذا كان المده 15 يوم
ارشح لك
شيانغماي 5 ايام بوكيت 5 ايام وباقي المده بانكوك للمشتريات
وارجوا منك ان الرحلات اللي تأخذها في منطقه لاتكررها في منطقه ثانيه لكي تستفيد من وقتك
باقي عليك تحدد كم ميزانيتك للسفره والشباب مايقصرون
تحياتي

ليمونة حزينة

10-09-2022 - 03:18 pm

مبرووك مقدما وخير مافكرت وقررت من خيار الى قضاء شهر عسل في احلى واونس مكان تايلاند بلد الفرح والوناسه والطلعات
اخوي انت خلي في بالك مصروف يومي من دون الرحلات والتسوق 2500 بات يعني احتياطا 100 دولار يومي والباقي جمعه للسوق او للرحلات
وتوكل على الله من الحين احجز ارخص الرحلات على خطوط الاتحاد وبعدها احجز فنادق من الموقع الحبيب والموثوق منه بوكيينغ افضل الاسعار ان شالله بتحصلها
بعدها حدد الرحلات والاماكن اللي تبي تروحلها وانا ارشح لك بوكت وبانكوك وشنق ماي وانت بكيفك

الرفاع الشرقي

10-09-2022 - 04:19 pm

مبروك مقدماً ,,, والله يتمم على خير ...
انا اقترح عليك ...
4 ايام شنغماي
7 ايام بوكيت
4 ايام بانكوك
وفي بوكيت بما ان شهر عسل اول اربع ايام في فندق .. واخر يومين في منتجع يكون في حمام سباحه خاص ..
بس كل الي عليك تعطينا الميزانية والايام بالضبط .. عشان نرتب لك ..
وطبعاً الحجز من النت ارخص وكل ما كان من وقت يكون ارخص .. طبعاً الفنادق من موقع بوكنغ والطيران الداخلي من المواقع الرسمية للطيران الي تبي تحجر عليه .. وعندك ال تاي اير و ال اسيا اير و ال بانكوك اير ..

تايلاند المسافرون العرب

استفسار ل شهر العسل