إحساس غامض
08-03-2022 - 06:33 am
السلام عليكم ورحمة الله وبركاته
كيفكم شباب::
عندي استفسار بيسط::
انا ناوي اسافر على اندونيسيا بس ودي توضحون لي الأسعار كيف خصوصا انا مسافر 10 أيام والسكن مايهمني
مو لازم 5 نجوم المهم سكن كويس وتقريبا كم راح تكلف الرحلة سكن ومعيشة .. يعني تقريبا.. وأفضل خطوط تسافر عليها ..
وأفضل شهر تسافر فيه لأندونيسيا..
ولكم مني جزيل الشكر،،
انا مانيب خبير ولا شي
لكن لي فترة اقرا هالقسم وكونت قاعدة معلومات بسيطه
ياليتك وضحت متى رايح بالضبط
وكم عدد الاشخاص
فيه كم موضوع مثبت يتعلق بهالشي
https://artravelers.com/p/re/422740
والصرف اللي يتكلمون عنه عادة هو مابين 100$ الى 200$ باليوم شاملة السكن والاكل والترفيه والمواصلات
طبعا ممكن تصرف اكثر او اقل
محد بيحدد مصاريفك الا انت
فمثلا لو جبت عزبتك معك وفيها نواشف ورز بتوفر قيمة المطاعم
واذا بتسكن بشقق رخيصة بتوفر اكثر
واذا بتاخذ الشقق من مكاتب السياحة (مثل كاها وغيره) بتوفر اكثر
واذا بتاخذ سائق خاص بشكل يومي بتصرف اكثر
اما اذا اعتمدت على الدبابات والدبابات اللي فيها عربة صغيره بتوفر اكثر
.
.
.
.
.
إلخ
اما افضل الخطوط في طيران الاتحاد وطيران الخليج وطيران الامارات (توقف واحد في دبي)
بعدها الماليزية (توقف في كوالالامبور واحيانا في دبي وكوالالامبور)
بعدها السعودية (دايركت لجاكرتا)
وتقدر تشوف التقييم في المواضيع المثبته اللي اعطيتك
ترا لو بحثت موب مكلفك الوقت اكثر من ساعه
لان الاخوان هنا ماقصرو
كل شي مفصلينه لك جزاهم الله خير
تروح وترجع بالسلامة اخوي