اخوي بالنسبة للفندقين اثنينهم خمس نجوم واثنيهم بعيدين عن الزحمه وبعيدين عن وسط المدينة بعد ..
لكن اذا قلت لي تنصحيني باي الفندقين اسكن.. اقولك مريديان العقة ( الفجيرة ) .. لان راس الخيمة صايرة زحمه هالايام بسبب إعادة صيانة شوارع المدينة .. يعني معظم الشوارع مسكرة لإتمام الصيانه .. وكل السيارات تتجمع في شوارع معينه .. ثانيا وين بتروح اصلا في راس الخيمة .. راس الخيمة تصلح في الشتاء فقط .. وذلك لقلة المراكز التجارية .. نفس الحال ينطبق على الفجيرة ولكن جو الفجيرة افضل بقليل من جو راس الخيمة نظرا لوقوعها على السواحل الشرقية للدولة ..
ممكن بعد تروح العين .. العين بعيده عن الزحمه ومدينة راقية وهادية ..

انصحك يفندق لي مريديان شاطئ العقه الفجيره هادئ على البحر روعه
انا سكنت فيه عام 2003
افتتح منتجع روتانا

حور الإمارات
شكرا على النصيحة
انا لا ابحث عن المراكز التجارية او المحلات وغيره
ابحث عن الهدوء ومكان رومانسي يناسبني انا وزوجتي للاحتفال بعيد زواجنا
بالنسبة للعين فاني اعرفها جيدا واريد ان اغير هذه المرة
واذهب الى امارت جديدة غير عن دبي والشارقة والعين

maged
شكرا على النصيحة
ما رايك في فندق روتانا

السلام علكيم ورحمة الله
انا انصحك بشاليهات روتانا ممتازه روعه سكنت فيها خلال الشهر الماضي
لا موقع ولا راحة نفسية
وكمان اذا مريت ع الفجيرة لا تنسى تمر مطعم ممتاز اسمة المشوار ....رائع واكله ممتاز
اتمنى لك ايام رائعه في احضان الامارات
دمت بخير

لله بالخير حان الرحيل : رأس الخيمه حلو بالشتاء.. بس ما يمنع أنك ترووح لها ليله او ليلتين
شوف حبيبي فيها خوش فندق وراقي .. كأنه أسمه ...الجزيره الحمرا...
Al Hamra Fort Hotel & Beach Resort RAK ....... مريت عليه كان عندي شغل ب هالأماره
شهر ديسمبر 2006 القعده حلوه فيه هدوء ................
&&& صوت المطر &&&

انا انصحك بثلاث فنادق ,,,ط
1- فندق ميركوري جبل حفيت الجو بارد عندهم في الليل وراح تنبسط فيه ...
2- فندق قصر الامارات ....كل شي فيه موجود وخدمانه توب.
3- فندق شاطىء الراحة .... على البحر وهادي ..
افنادق الثلاث فيها عروض الصيف واسعارهم افضل من جميع الاوقات ...
اي خدمات حاضرين ..

السلام عليكم
الله يسعدكم إن شاء الله طول العمر
اخوي إذا ماعندك مانع تروح أبوظبي -فندق قصر الإمارات- فخم ورائع ماتحتاج تظهر منه وهادي مش مزدحم.... وعن تجربه.اعتقد السعر الحالي وعندهم عرض للغرفه =1200درهم
واول ماتدخل يقدمون باقة ورد للمدام
https://artravelers.com/p/re/83629

• _-

وإذا الفجيره - فندق مريديان العقه- حلو ايضا وهادي
http://www.starwoodhotels.com/lemeridien/property/overview/index.html?propertyID=1901

السلام عليكم اخوي ..
انصحك بفندق ميريديان العقة في الفجيرة لانه فعلا فندق رائع .. وعلى فكرة مسويين خصومات .. ذا كانت عندكم بطاقة لاندمارك تصير الغرفة على 400 درهم بسس ..