حور الإمارات
16-05-2022 - 11:13 am
والله من يومين ماوقف المطر ومتواصل الين الحين الساعة 11 مساء وقريت في الجريدة ان الجو ماراح يستقر الين يوم الجمعة يعني خمسة ايام متواصلة بإذن الله ..
والله السنوات الأخيرة كان المطر ينزل يوم ويوقف عشرة وماشفنا هالاستمرارية بالمطر الا من يومين جعلها ايام بركة وخير ان شالله ..
وهذا الخبر اللي جا في جريدة الخليج اليوم:-
تسبب النشاط الملحوظ للرياح على مختلف انحاء البلاد امس في اثارة الرمال والأتربة ولا سيما على الطرق السريعة وانخفض مستوى الرؤية الافقية الى واحد كيلومتر.
وتوقعت مصادر في المركز الرئيسي للتنبؤات في ادارة الارصاد الجوية التابعة لوزارة المواصلات ان تسود البلاد حالة عدم استقرار شديدة في الاحوال الجوية وسقوط امطار غزيرة بدءاً من اليوم وحتى يوم الجمعة المقبل.
اخليكم مع هالصور تستمتعون معاي بأجواء المطر في راس الخيمة ..
طبعا البداية كانت يوم الأحد وكان في عاصفة ترابية شديدة وبعدها نزل المطر ..
هذي صورة العاصفة الترابية اللي سبقت المطر
هنيه طبعا انعدمت الرؤية عندي من شدة العاصفة الترابية ..
وهذي صور الامطار اللي نقلتها لكم من موقع اخر .. لاني انشغلت وماقدرت اطلع اصور المطر
ان شالله بحاول باجر اصور لكم صور زيادة اذا قدرت بإذن الله ..
ويالله تشاو ..
وتسلمين أختى (شنطة سفر) على هذه الصور .. وفي انتظار المزيد ..