اخوي بالنسبه لنا بالكويت فيه مكتب سفريات متخصص للفيزا الشنغن ومدة استخراج الفيزا اسبوع الى عشرة ايام وماخذو شي غير فلوس الفيزا وخذو فلوس التأمين الصحي لان ماعندي تامين صحي
وبالتوفيق ان شاء الله

الحوت
اهلين اخوي عادة تاخذ اسبوعين من تاريخ تقديم الطلب.
وحجز الفندق ضروري ,,,,,,, وصورة من التذكرة ,,,,,,,, وكشف حساب بنكي 6 شهور او ورقة تعريف بالراتب من العمل سواء كان قطاع عام او خاص.
اتمنى اني افدتك

traveler777
لاهنت أخوي

طير
لاهنت اخوي على الرد واحتاج ان تتكرم علي ببعض التفاصيل
الحجز لابد يكون مدفوع السعر كما التذكرة"لانني في البداية إلى بريطانيا ثمن فرنسا"
كذلك الكشف البنكي هل يغني عن التعريف من العمل أو العكس ؟
هل استطيع الاحتفاظ بجواز السفر مدة إجراءات الفيزا؟
اسف على الإطالة؟

الحوت
اهلين اخوي ...........
بالنسبة لحجز الفندق طبعا موب لازم يكون مدفوع ممكن تسوي حجز عن طريق احد مواقع حجز الفنادق بالنت او عن طريق احد مواقع الفنادق لكامل الفترة بس لازم يكون عندك كردت كارد عشان يكون الحجز مؤكد وبعد ما يوصلك ايميل تأكيد الحجز تطبعة وممكن تلغية بعد كذا بس لازم تتأكد ان الغاء الحجز ما يترتب علية اي رسوم عليك وهذا موجود في صفحة الحجز ويحدد لك اخر وقت تقدر تنكسل الحجز بدون اي غرامات الغاء............ وفي حل ثاني انك تسوي الحجز عن طريق مكتب سياحي وياخذ عليك رسوم وما تتعدى 100 ريال .........
اما بخصوص الكشف البنكي او التعريف من العمل فوحدة منهم كافية وتغني عن الأخرى.
وبخصوص الجواز فطبعا بعد تسليمك للأوراق راح يرجعون لك الجواز ويعطونك موعد بعد اسبوعين كحد اقصى تراجعهم وتعطيهم الجواز يطبعون علية الفيزا.
وفية حل اخير انك تخلي احد المكاتب السياحية يتولى الموضوع من الألف للياء ويجهزلك كامل الاوراق من حجوزات وتذاكر وتأمين ورسوم الفيزا بقيمة ماتتجاوز 900 ريال وتريح بالك.
تحياتي لك