عاشق نيو يورك
13-09-2022 - 08:13 am
السلام عليكم ورحمتة الله و بركااته
بأذن الله طالع لندن بشهر 1 او قبله .. لعمل ومدتة السفر 4 ليالي
والعمل بيأخذ يوم وااحد بس .. وانا عمري ما رحت بريطانيا و لا فرنساا ولا اي بلد اوروبيه
وقلت دام اني بروح لندن استغل الفرصه واروح باريس
انتوا شراايكم ..
في هذا الجو .. كيف بتكون الاسعار ,, يعني ارخص وسيله على البر للذهاب لها وهل تحتاج فيزا غير فيزة لندن لو لازم فيزا كيف استخراجها للعلم اني اماراتي
الاجواءء بشكل عام .. الفعاليات .. الصرف والمصرف .. التخفيضات في المحلات ..
وتقبلوا مروري
وشكري لكم ..
دمتم بود
إذا سفرتك 4 أيام فما تستحمل تقسمها بين الشغل ولندن وباريس, وخصوصا إنك ماقد رحت لأوروبا أبدا.. لندن تحتاج أكثر من أسبوع علشان تاخذ حقك منها
على كل حال.. جوابا لتساؤلاتك... أفضل وسيلة لك للذهاب إلى لندن بتكون عن طريق القطار Eurostar وياخذ ثلاث ساعات بالكثير من وسط لندن إلى وسط باريس وأسعاره فوق الخمسين باوند للفرد على حسب وقت الرحلة ودرجة المقعد. (راجع موقعهم على النت)
وتحتاج إلى فيزة شنجن لدخول أوروبا وتستخرجها من أي سفارة أوروبية أو من سفارة فرنسا وتراها تاخذ أسابيع ولها شروط يقدر تراجعها في بقية مواضيع المنتدى
لكن نصيحتي لك تخلي هالأربعة الأيام في لندن وتراها تستاهل