Abdulaziz.kw
28-10-2022 - 08:03 am
السلام عليكم ..
اخواني انا من الكويت وقدمت على موعد لطلب الفيزا ..
وبقيت اعرف شنو الطلبات اللي يبونها مني ليمن اروح المكتب ؟؟
وجم تكلفه طلب الفيزا لمدة سنتين ؟؟
والابلكيشن لازم اعبيه كامل ( اسم الاب واسم الام ومكان العمل .. الخ .. ) اللويه هذي ..
وتقبلوا تحياتي ..
اول شي يعطونك ورقه لازم يوقع عليها الاب انه موافق على سفر الابن
صورة جواز الاب الصفحه الاولى و الثانيه + التوقيع الي في جواز الاب يجب ان يكون مطابق لتوقيعه على ورقة الموافقه
اثبات السكن( اذا كان عندكم شقه هناك او اذا بتزور احد من العايله ) راح يطلبون منك اثبات السكن سواء فاتورة الكهربا و الماي او عقد الشراء/الاجار
صورة فيزا+جواز الشخص الي انت رايحله
كشف حساب الوالد لاخر 6 شهور
ترجمة شهادة الميلاد باللغه الانقليزيه ( لازم تكون من مكان معتمد )
هذا بالنسبه لفيزا اقل من 18 سنه
اما اذا كنت 18+ و مو عارف الطلبات تقدر تروح السفاره و تسألهم عن الطلبات
بالنسبه الابلكيشن لازم تعبيه كامل و اذا مالك خلق في مكتب تحت السفاره يعبيلك الابلكيشن ب5دناانير