و عليكم السلام ورحمة الله و بركاته
حياكم الله .. تنور الكويت
اذا قصدج الجناح الاميري .. في غرفتين نوم و تكرمين حمامين و صالتين و غرفة طعام .. و في بعد 3 غرف
لكن اللي اذكره انه ما كان فيه مطبخ !
و تستخدمون اللاونج .. فيه افطار .. و سناك و خفايف و موالح صغيره و حلويات و عصاير و شاي و قهوه و هالسوالف طول اليوم تقريبا
احلا شي في الماريوت انه متصل في مجمع الصالحيه (كله ماركات تقريبا ) .. و مقابل لمجمع المثنى (عادي) بس محلات متخصصة و في السرداب في مكتبه ممتازه ... و في الماريوت اكثر من مطعم .. منهم تراس غريل وايد حلو

bint elQ8
bint elQ8
الف شكر حبيبتي
تسلمين على الرد الذوق والوافي والكافي
وفعلا لما قلت ال صديقتي قالت انا سكنت فيه قبل سنة بس اخذت غرفة دبل وتمدح السوق واهل الكويت كلهم
تسلمين يالغاليه
ولواني بكلف عليك
انا رايحه مناسبة زوااج وحابه الكوفيرة تجيني بالفندق اذا ممكن تراسليني باسماء كوفيرات مضمونات
راح ادعي بكل وقت لاني ما ادل ولا اعرف احد وصعبة نقول للناس اللي عازمينا دلونا على الصالونات
والف شكر مقدما .

راعية الدار
أنا مع كثر زياراتي للكويت اقد خطر ببالي بها ماريوت مع إني سكنت بالميريدان وهو الأرقى حسب تجربتي به وخصوصية مكانه مقابل لشارع الخليج العربي.... والأبراج واللمطاعم والمتنزهات وبإمتداده في المقابل المقى الشعبي... وأجزم اإنه أفضل خيار لكم عن الماريوت... لولا تعليق بنت الكويت ووصفها له لموقعه وإلا كان والله للأن ماعرفت بالكويت ماريوت .. إلا إن كان موجود وكنت أمر به مرور الكرام دون أن أستدل عليه .. هذا شئ ثاني

اختى فى فندق كورت يارد ماريوت فندق جديد تابع لماريوت وبه مجمع راقى للماركات العالمية ما اقدر احط الاسعار
او رقم الفندق لانة ممنوع اذا تبين راسلينى اساعدج

رحال عازب
رحال عازب
اشكر تشريفك موضوعي واشكر افادتك الهامة
وانا والله ماادري اول مره ازور الكويت وتعرف الاهل اختاروا الماريوت اكيد لسبب قربه للاقارب او وجود البحر
والميريديان اكيد معروفه ودائما فخمه
وفقك الله

بيت الكويتى
بيت الكويتى
اشكر مرورك موضوعي
وما ادري والله هالاسم مامر علي لانهم قالوا لي الماريوت
زجزاك ربي خير

اختى الكريمة فندق الماريوت لة فرعين بالكويت الاول جى دبليو ماريوت والثانى كورت يارد ماريوت نفس المستوى
اذا تبين اى رقم من هذولة عندى بس ما اقدر احطة بس بالرسالة

راعية الدار
خليني أفيدك.... الميريديان هو الأجمل لاأكثر من سبب... وأعتقد مارويته لك.. عنه يكفي... يكفيك مسمى شارع الخليج العربي... ويكفيك ميس الغانم شماله... خذوه وعلى عهدتي... ولو ماوفقك ماتحبون علي كامل تكاليفكم

1. حياج الله اختي .. و آسفة على التاخير في الرد ..

حياج الله اختي .. و آسفة على التاخير في الرد ..

بالنسبه للكوافيره .. اعرف وحدة شغلها راقي و نظيف و هي جدا محترمه بس ما اضمن تحصلين عندها لان ما شاء الله عليها ضغط وايد .. بس جربي يمكن و اذا لا هم اعطيج رقم صالون ثقة دايما نتعامل معاهم و شغلهم راقي بعد يبعثون لج وحده للفندق ... لكن ما اقدر احط الارقام هني !! اللي اعرفه انه ممنوع ... ما اعرف الطريقة !
اذا العرس في بيت او في فندق من فنادق الديره اريح لكم الماريوت او الشيراتون او الكورت يارد اسهل انج توصلين ... انا عن نفسي جربتهم كلهم و افضل الماريوت ... و على فكرة الكورت يارد تابع للماريوت لكن الجي دبليو ماريوت اللي انتي تبينه 5 ستار و متصل في الصالحيه ... اما الكورت يارد 4 ستار و متصل بمجمع الرايه ... هو احدث لكن عادي ..
اما الشيراتون فالغرف تحتاج تجديد .. للاسف .. نظيف و مرتب لكن اثاث الغرف قديم
اما بالنسبه للاخ رحال ... المريديان جيد و لا باس به لكن مو بمستوى الماريوت .. الماريوت 5 ستار
و في عندك الريجنسي اللي عالبحر اذا تبي شي قريب من السالميه و على مستوى .. و بعد اذا تحب جرب موفنبك البدع موقعه ممتاز و عالبحر مباشره و فيه شاليهات و حمامات سباحه و مطاعم و قريب من كل شي في السالميه و تأثيثه حلو و بسيط يعني كتغيير عن المريديان