إماراتي عسل
فندق لاتيني جيد وتم ترميمه العام الماضي
موقعه بعيد عن البحيره مشي ربع ساعه او تاكسي 8 يورو او باص 2 يورو
انصحك ما تاخذه الا اذا معاك سيارة
الافضل منه سي هوتيل وهيتزمان

الميريديان في ميونيخ يعتبر الاختيار الامثل

بالنسبة للسعر لاتيني يعد الافصل نسبيا قياسا بمستوى النظافة
والفخامة
فلو قارناه بسي هوتيل تقريبا راح يكون نصف السعر
وجهة نظر شخصية :
انغلب بالمكان شوي بس ماانغلب بالسعر وبنظافة الفندق
ولكم في الجراند عبرة
ميونيخ نصحوني الشباب بهوليدي ان وفعلا حصلته في الخريطة قريب من المارين بلاتز
وتحته اندر جراروند ومسوي عرض اقامة 3 ليال بسعر ليلتين
تحياتي لك ياعسل

عيوس
من هذا العرض حق الهووليدي ان من السيت مال الفندق نفسه أو مكتب سياحي وأذا من السايت
الرجاء كتابة الموقع وشكراً ممكن تفيدونا أفادكم الله

السلام عليكم ورحمة الله
فندق لاتيني سيئ جدا وانصح بعدم السكن فيه
وفوق هذا موقعه بعيد عن السنتر والبحيره
وميزته الوحيده المطعم الهندي اللي مقابله
لكن نصيحه لا تسكنون فيه
واذا يبي سكن نظيف جدا وموقعه ممتاز
روح لماكدونلز وشوف المبنى اللي مقابل بابه
بالضبط وباب مدخله على اليسار لونه اخضر
اسكن فيه ولا تحاتي ممتاز من جميع النواحي
حتى صاحبة هالشقق محترمه جدا وخدومه
لكن هالشقق احجام وافضلها اللي بلكونتها
كبيره وتشيل من 4 الى 6 اشخاص وهذي
اللي سكنت فيها واعجبتني
وانا ان شاء الله بدورلك موقعا الالكتروني
وبأكتبه لك بس اصبر علي شوي

الله يعافيك يا راى لا تتاخر علينا

لاتيني فندق جميل وسعره كويس .. صحيح بعيد عن البحيرة لكم ممكن الذهاب إليها بالمشي فليس بالبعد الذي لا يطاق ..
لكن بجانبه فندق نسيت اسمه وهو بحق روعه وسرعه أقل من لاتيني ..
ميزة لاتيني أن بجانبه المطعم الهندي ...

هذي الشقق ادخل على الموقع وشوف
والشقه الكبيره اللي قلتلك خذيناها ب 100 يورو
مع التنظيف واكيد الشقق الصغيره اقل لكن الكبيره
تتميز بالاطلاله الحلوه والبلكونه اللي تفتح النفس
http://www.stjernholm.at
وهذا رقمهم 0043654268787
واذكر قالت لنا صاحبة الشقق انه عندها اكواخ
للاجار اذا لك نيه تجرب
والله يوفقك
لكن انصحك نصيحه اخ ابعد عن لاتيني

تسلم اخي (راي)
لا عدمناك
الف شكر
دخلت الموقع ،، بس تلخبطت !!! والله
كم تبعد عن السنتر ؟