وعليكم السلام ورحمة الله وبركاتة
الشقق جميلة وبالنسبة لشقة 4 اشخاص هي غرفة وصالة بينهم فاصل عبارة عن باب سحب
والصاله فيها سريرين واحد كأنه كنب وواحد في الاسفل ولازم تتطلبون منهم مخدات واغطيه كافيه

بالنسبة للشقق حلوة وروعة جدا وموقعها ممتاز راح يعجبك
العضو ايثارة اعطاك التفصيل الممل للشقة

اختي بسمة الشقق سيئة جدا عن تجربة ، اولا مافيها خدمة تنظيف الغرف الا اذا كملتوا اسبوع فيها
و المناشف لو تطلبون زيادة تدفعون على المنشفة 4 يورو ، ماعندهم خدمة غسيل الملابس ، الغسلاة باللوبي ب 6 يورو و النشافة ب 4 يورو ومرة صغار يعني على الاقل تستخدمونها 3 مرات ..
ماعندهم خدمة الغرف و مافي مطعم لو بتطلبون اكل بالغرفة مافيه .. بس في فطور بوفيه ..
حتى لو تبون كاسة ولا ملعقة ولا ي شي من الخدمات مافي احد لان دوامهم ينتهي بعد الفطور !!
التعامل سيء جدا و الوصول للشقق متعب لان السيارات ما تدخل نفس المنطقة و لازن تسحبون الشنط و تطلعون بالدرج الكهربائي للوصول للمدخل .. الباب يتسكر من قبل الغروب و الدخول بالكرت او تدقون على الريسيبشن يفتحلكم بعد ما ياخذ البيانات .. الوصول لاقرب ميترو ياخذ 5 دقايق مشي من الفندق تنزلون الدرج الكهربائي و تروحون يسار و تمشون على طول تتعدون المطاعم و يجيكم درج على اليسار انزلوا منه و اقطعوا الشارع و اطلعوا درج ثاني و تكونون في محطة اسبلاناد لا ديفانس ..
اذا تبون نفس المنطقة قدام الشقق في فندق سوفوتيل قدامه مباشرة و اعتقد انه 5 نجوم ..
نصيحة لو تقدرين غيري الحجز ,, مع اني شفت فيها عرب كثير ما ادري ليه يفضلونها ، بس عن تجربة اخوي سكن فيها السنة و طلع من ثاني يوم ، و مسجلين عليه فطور بعدد الاشخاص يوم الوصول و هو واصل الشقة العصر !! يعني خدمة سيئة و نصابين ، و غير كذا حجزه كان من بوكينج و من تفاصيل الحجز ان السعر داخل فيه الضريبة و رسوم الخدمة ، و وقت الدفع في الفندق قالوله لازم تدفع ضريبة و خدمة ، و راهم الحجز ، الموظفة الي على الريسيبشن ارتبكت و بعدين شالوا الرسوم .. مع ان التفاصيل موجودة عندهم بس حاولوا ينصبون عليه ..
و طلبوا تاكسي من الليل عشان يكون عندهم الصبح يوصلهم الفندق الثاني ، قالولهم 10 الصبح يكون عندهم ، نزلوا الشنط طبعا مافي لحد يطلعها ولا ينزلها معهم ، و ما جا التاكسي ، كل ما سألوا الي على الريسيبشين تقولهم بعد 5 دقايق ، اخر شي تهاوش معهم ، طلعت الموظفة الي كانت موجودة اليوم الي قبله ما طلبت التاكسي ، المهم طلبولهم تاكسي ثاني و عطتهم الموظفة رقم التاكسي غلط ، و نزلوا ينتظرون تحت و التاكسي واقف بس هم معتمدين على الرقم الي معهم ، اخر شي التاكسي كلمهم و عطاهم الاسم ، و حسب عليهم 25 يورو انتظار ...
الي على الريسيبشن وحدة فرنسية سمرة ، و وحدة تونسية كانت حامل ، و واحد فرنسي من اسوأ الناس الي تعاملنا معهم .. بس مديرة الشقق وحدة جزائرية موجودة في مكتب باللوبي ، اذا سكنتوا في الشقق وواجهتكم مشاكل مروا و كلموها عربي .. مع ان لغتها ضعيفة بس احسن من الي على الريسيبشن لغتهم الانجليزية ضعيفة خاصة السمرة ..
موفقين ان شاء الله ..

اكيد مافيه خدمة غرف لانها شقق مفروشه ماهي فندق وكويس منهم انه حاطين بوفيه فطور يعتر انجاز بما انهم شقق مفروشة وعلى فكرة الشقق هذي منتشرة في كل مكان في فرنسا مافيه مدينة رحنا لها اللا وفيها ها الشقق وكل وبعدين بالنسبة للغسيل اي فندق في فرنسا اذا تبون تغسلون ملابس بكم بيحسب القطعة عليكم غسيل وكوي الشقق اساساً مجهزة بكواية وبعدين من قال ان السيارات ماتوصل السيارة توصله بس عبر انفاق تحت منطقة اللادفانس على فكرة في ثنين في منطقة اللا دفانس انا افضل الثاني اللي اسمه Adagio La Défense Le Parc لان معي سيارة واللي الاخت اختارته اقرب لمحطة المترو وممكن تشاهدين التفاصل على خارطة قوقل على موقع بوكنق زعلى فكرة انا سكنت فيه اكثر من مرة ولم اجد اي تعامل سيئ من اي شخص هناك وبالنسبة للتنظيف كل يوم فيه تنظيف بس الصبح وتأكد من خدمات الشقق عن طريق بوكنق .
وهذا مجرد راي ولكي الاختياري

هلا اختي انا جربتها السنه الماضيه وجربت شقق الاداجيو في كذا منطقة في باريس
جربت هذي حق الاديفاونس ماهي مريحه بالمره والحمام وسخ والغرف وسخه بس للي يبغى يمشي حاله فهي حلوة
وجربت اللي في شارع الهوسمان تجنن مره كانك في بيتك نظيفه مره وخدمتهم حلوه وتقريبا كانها فندق انصحك فيها بس المترو بعيد شوي عنها
وجربت اللي في في ديزني ماانصحك احد فيها ابدا قذره بمعنى الكلمه كنا نكره نرجع الغرفه بسبت القذاره والغرف صغيرره مره مره
وجربت اللي في منطقة آنسي تجن وموقعها مره حلو

فيه باللاديفانس شقق نفسهم وقريبه من المترو تطلعين من المترو فوق بالساحه مقابل القوس تمشين باتجاه القوس يكون علي يمينك ورائع جدا

الحين شسوي ؟
وين اروح ؟
انا اهم شي عندي الشقه تكون بغرفتين لاننا مانقدر نكون بغرفه وحده
وطيب ايش الشقق الي زي اسمها ؟ وبنفس المكان
ابغى شي قريب من المترو
ترى خوفتوني ترانا عائله من 8 اشخاص وحريم كبار
ممكن لو سمحتو الشقق الي تقولون عنها تعطوني رابطها ببوكنق
وكمان لو تعرفون شقه او شقتين باي مكان بباريس وسعرها مناسب
وجزاكم الله كل خير

الي انا اقول انها سيئة هذا رابطها من بوكينج
https://www.booking.com/hotel/fr/adagio-aparthotel-la-defense-esplanade.ar.html?aid=1300939

sereemjio
هذي الي حجزتها
طيب والزينه ايش هي ؟