حسب موقع جوجل
الفندق تقيمة 4.2 يعني جيد جدا
شخصيا ما جربته بس حسب النزلاء قرات بان الفندق متواضع و جيد جدا
برائي احس العيب الوحيد انه مافي اندرجراوند جانب الفندق

اخوي انا سكنت في هالشقق. وهالسنه بعد بكرر السكن عندهم ان شاءالله. وان شاءالله مايخيب الظن
المكان حلو وهادي ونظيف. وحظنا شقتنا كانت مجدده. يعني ماقدر احكم على باقي الشقق وحالتهم. بس شقتنا كانت جديده.
ومن مميزاتها التنظيف 5 ايام فالاسبوع. وفيها سيكيورتي 24 ساعه. ومعاملتهم حلوه. ومجابل العماره ستاربكس وصيدليه وجمعية سانبوري.
ولما تطلع وتمشي يسار اقل من خمس دقايق الا انت فالكنجز رود. وهالشارع معروف. واناعن نفسي اشوف ان محطة south kensington مب بعيده
واكتشفنا بعد ان في باس ستوب احذا الصيدليه فيها باص رقمه 360 هاي احسن حل اذا ماتبي تمشي للمحطه اركبه وهو يوصلك على طول لين محطة ساوث كنسينغتون.
او عندك محطة sloan squar وهي على امتداد الكنجز رود. بس شخصياً ماستخدمتها.
هاي رايي بخصوص هالمكان. عند ناس وايد يعتبر بعيد عن اكسفور. بس شخصياً انا كنت حابه هالمنطقه لاني ابي اكون بعيد عن اكسفورد وعن شارع العرب