اخوي ماتحتاج عروض من مكاتب سياحيه رتب سفرك بنفسك وكل الي تحتاجه بأذن الله موجود في المنتدى الغالي
ترا الوقت ضيق الفيزا بالحاله يبيلها مايقارب اسبوعين والتريب يبيله وقت اذا ماعندك اي خلفيه وغير كذا بيكون الجو بارد

ياويلي بتروح بعز البرد
الفيزا يبي لها ثلاث اسسابيع
اخوي انا عندي مكتب
هات فلوسك وابشر
من فيزا من شنقن و و و والخ
وابشر برحله سعيده
بس مالي دخل لو جاكم انفلونزا وسخنتوا

ياشيخ بلا مكاتب بلا خسارة فلوس اعتمد بعدالله على نفسك وعلى هذا المنتدى اللي جعل السفر واضح كأنك ترى البلد التي ستسافر لها امام عينك

اخوي خذها نصيحة مني لا اريد منك شيء واتمنى لك التوفيق وثق بانها من اخ صادق
احفظ فلوسك وخل عنك المكاتب ولعبهم والله اني سافرت بالصيف ورتبت اموري كلها بالنت ووفرت ما لا يقل عن 3500 ريال
اقرأ التقارير وحدد عدد الأيام واتجاهاتكم وراسل كل فندق او شقه بالانجليزي ويردون عليك خلال ايام قليله موضحين التكلفه وكل ما تريده لا وبعد اذا قلت لهم اوكيه خلهم يرسلون لك الحجوزات pdf علشان تقبله السفاره
وحط بحسابك الفيزا تبي لها اسبوعين تماما
وشد حيلك واسأل والاخوه ما يقصرون يعاونونك ونحن تحت الخدمة

بالنسبه يا اخوي للتكاليف تراها تختلف من شخص الى اخر
وللعلم هناك من يبالغ بالاسعار وهناك من يقلل
التذاكر على الخطوط المصريه تتراوح ما بين 2500-2300 بينما على اللفت هانزا 3500-3700 شفت الفرق
الشقق تختلف على حسب السعة وعدد الغرف
نحن نصرف تقريبا مابين 80-120 يورو يوميا تقريبا شامل التنقل والاكل والشرب ونحن عائله 4 اشخاص
والله يرعاكم

او يالمصاريف ... شوف
الاكل وجبه وحده يبلها اقل شي20 يورو يعني وجبتين من ماكدونالدز .. واذا تبي مطاعم عربيه لا الشخصين اقل شي 40 يورو ... والمواصلات انت وشطارتك في سالزبورغ اتستخدم الباصات وطريقتها سهله وفي فيننا الاندر قراوند
شخصين تقريبا 30000 ريال بالقليل صدقني وانا بعد للحين في النمسا

أبوعتب
احنا اخذنا 3 وجبات بماكدونالدز ب 16.77 يورو
وموب صحيح قيمة الوجبة 20 يورو

درة 26
يادره ان بقولك شي ... انت شايف وجبه وحده من ماك وانت شايف قد ايش البرجر زغنون يعني بعد المشي والله واحد ما يسوي شي نهائي ... يعني ..
انا البارح كنت في مطعم هندي اسمه مهراجي .. والله كلفني العشاء 44 يورو بس عشا عليه الكلام.. وحلال ان شاء الله ..

سبحان الله من ناس لناس تفرق
0يورو في اليوم مصاريف فقط حلو طبعاً غير السكن والمواصلات