1. السلام عليكم ورحمة الله وبركاته

السلام عليكم ورحمة الله وبركاته

ياشباب ويا اصحاب الخبرة ابغيكم تنصحوني وتقولون رايكم بالموضوع انا تقدمت لتاشيرة زيارة لامريكا وجهزت الاوراق كلها وخذت موعد وسويت المقابلةوالحمد لله الامور كانت تسير على مايرام وسالتني السيدة الي سويت معها المقابلة كذا سؤال والحمد لله جاوبتها كلها لكن من بين الأسألة سالتني عن عنواني وقلتها اني ساكن في بيت العائلة مع الوالد لاني لازلت اعزب فسالتني كم رقم الفيلا!!!! وانا تورطت لاني ما اعرف الرقم!!!! وخفت اقول ما اعرف وتشك هي بالموضوع!!! تذكرت على جدار الفيلا يحطون رقم وانا قلت اكيد هذا هو الرقم وقلتلها الرقم المهم بعد ما خلصت عطتني ورقة صفرا وفيها رقم وقالت هذا رقيم الكيس نمبر مالك وادخل على موقع القنصلية بعد اسبوعين راح تلاقي رقمك موجود وبعدين هات جوازك علشان تاخذ الفيزا, انا الصراحة فرحت وقلت الحمد لله اكيد بحصل الفيزا, ولما رجعت البيت لقيت انه رقم الفيلا مختلف تماما عن الرقم الي عطيتها ياه!!!!!! وانصدمت وما عرفت شو اسوي؟؟؟ بغيت اتصل القنصلية واقول لهم عن الموضوع لكن خفت انهم يشكون بالموضوع او تصير لي عرقلة!!! فقلت خلها وان شاء الله مافي شي, المهم عدى الاسبوع الاول والثاني والثالث ومالقيت رقمي!!!!! فابغي اسال هل هذا الموضوع يأثر علي؟ واذا نعم هل اقوم بالاتصال بالقنصلية واخبرهم مع اني سمعت انهم مايردون ابدا؟ ولا ابعث ايميل لهم واشرح لهم؟ ارجو الافادة وجزاكم الله الف خير.