ياهلا بمشاعر شاعر
احس انك متعقد
مالومك
طيب عموما
الحين انت لك فتره لاغاية تاريخ معين تكنسل الحجز
بعدها اذا ماكنسلته راح ينتظرون اذا جيت الفندق او لا
اذا جيت الفندق يخلونك تسكن و لحضة خروجه من الفندق يخيرونك اما تدفع كاش
او عن طريق البطاقه
واذا ماجيت الفندق
يسحبون كم ليله على حسب شروطهم المذكوره يالغالي
اما اذا كانت شروطهم انهم راح يسحبون المبلغ كامل سواء جيت او ماجيت
فا هم راح يسحبون في تاريخ انتهاء فترة اللالغاء المجاني او بعدها بكم يوم
وممكن يسحبون هل اليومين يورو للتأكد من صلاحية البطاقه
ولو تحط رابط الفندق نشوف الشروط افضل وافضل
وخاصية اللالغاء المجاني بموقع بوكنق علشان يخلونك تاخذ راحتك بالتفكير يمكن مايعجبك الفندق وتكنسل بدون ماتدفع فلوس قبل لاتنتهي مدة الاتفاق
شنو المقصود ب/ يرجى الملاحظة أنه يمكن أن يتم عمل تفويض مسبق لبطاقة ائتمناك قبل وصولك.
معناته على ما اعتقد وهذا الرأي الاقرب للصواب
ممكن يسحبون من بطاقتك قبل لاتجي الفندق
اي استفسار ؟

مثل ماقال اخوي
بمامعناه
للفندق حق ان يخصم المبلغ في اي وقت
وبوكنج ماله شغل في الخصم كل فندق وله طريقته
في فنادق تدفع عن التشيك اوت
وفي فنادق تدفع عند التشيك ان
وفي فنادق تدفع عند التشيك ان + مبلغ اظافي تامين ( من غير ماياخذ اذن منك ) وعند التشيك اوت يفك الهولد على البطاقه ويبقى المبلغ معلق لمده 30 يوم
وفي فنادق اول ماتحجز يخصم المبلغ كله وفي فنادق يخصم 30 من الاجمالي
رحله ممتعه اخوي

انا نفس اخوي شاعر مشاعر اخوي بيبسي مشكلتي نفسه تقريبا وحجوزاتي نفسه تقريبا
المشكله وين المشكله مو عارفين متى ندفع وكيف يضمنون حقهم من ناحيتنا يعني فرضا ماجيت وفيزتي مافيها ولا ريال يعني سحبت عليهم كيف يحجزون الي ويثبتون حجزي وهم مو ضامنين مني شي ؟؟؟
معقوله يأكدون حجز من دون دفع اي مبلغ ؟؟؟؟؟؟؟
هذي روابط فنادقي الي حجزتها
اول واخر لليله في هوليدي ان
https://www.booking.com/hotel/de/holiday-inn-express-munich-airport.html?aid=1300939
وهذا الشيرتون في سازلبروغ ليلتين
https://www.booking.com/hotel/at/sheratonsalzburg.html?aid=1300939
وهذي اخر ليال في قارمش ديندال هوف رابط الفندق
Booking.com: hotel Reindl&

بيبسي كولا
انت عقدتها زياده يا حليل بوكنق عندك هع ^_*

هوليدي ان
اذا ماجيت يسحبون بس اول ليله
الشيرتون
نفسه اذا ماجيت بس اول ليله
قارمش ديندال
لك حق تلغي الحجز قبلها بيومين
واذا ماجيت ياخذون من كل ليله 80%
وين المشكله مو عارفين متى ندفع وكيف يضمنون حقهم من ناحيتنا
انتو انسو عملية الدفع
انتم ياتدفعون لحضة وصولكم للفندق
او لحضه خروجكم من الفندق
يعني ماراح يسحبون الحين نهائي فهمت قصدي ؟
يعني كأنك مأجر عندهم لكن ماتدفع فلوسك الا لمن توصل
اما سالفة كيف يضمنون حقهم
فا هم اعتقد لهم طرق قانونية يضمنون حقهم فيها
سواء في رفع قضايا او ماشابه
اتمنى اكون افدتكم
وجاهز لاي استفسار

اخوي
اولا قم باختبار للفيزا يعني شوف هل هي مفعله اولا
اسحب لو 10ريال ولو وصلك رساله ع الجوال معناته اوك
وكل فندق له سياسته منهم من يخصم كامل المبلغ فورا ومنهم قبل السفر باسبوع اويوم
ومنهم يسحبه اثناء وصولك وفيه من يسحب جزء فقط من المبلغ عندالحجز او قبله بفتره
اعتقد لما تحجز وتسحب عليهم ولا تجيهم راح يسحبون منك فلوسك سواء جيت والا ماجيت
أمن المبلغ بالفيزا من الان ,,,,
حط تقريبا من 10 الاف الى 15 الف
او شوف كم تكلفة الفنادق +السياره وزد عليهم 5الاف للاحتياط

الاهم في استفساري متى اامن مبالغ الحجوزات في الفيزا اللحين والا متى ما جيت اسافر اودع دريهمات
انت طبعا لازم تودعها بأقرب فرصه احتياطا
der sannberg
اذا ماجيت راح يسحب المبلغ كامل
لكن اذا كنسلت الحجز قبل وصولك ب 14 يوم راح يسحب 50 %
واذا كنسلت قبلها 7 ايام راح يسحب 70%
اذا ماجيت راح يسحب المبلغ كامل
reindl's partenkirchener hof
لك حق تكنسل لاقبلها بيومين
واذا ماجيت ياخذ عن كل ليله 80%
انا الي فهمته منكم انكم موضامنين السكن لانهم ماسحبو فلوس عدل ؟؟
لاتهتمون بهل الناحيه لانهم نفس ماقلت راح يسحبونه بالايام الي ذكرتها
لانها هذي الي تنفع فيها خاصية الالغاء المجاني تقدر تكنسل لا اقرب فرصه لك حق تكنسل فيها
علشان جذي مايسحبون الفلوس الحين
جاهز لاي استفسار

الريم
مرحبا الريم
انا مطلع فيزا الراجحي مسبقة الدفع للفنادق
وفيزا الاهلي اللي حروفها بارزه للسياره

بيبسي كولا
بيض الله وجهك اخوي بيبسي كولا
وما قصرت وشكراً على رحابة صدرك سيدي
بس طريق التفويض احسها لحسة مخ