السلام عليكم ورحمه الله وبركاته
اخواني اخواتي .. انا ان شاء الله مسافر لفرنسا واسبانيا
بوصل اسبانيا يوم 15 سبتمبر ان شاء الله .. وراح يكون لبرشلونه وحاجز بسكن او ريزيدنس اسمه
Residència Erasmus
والاقامه لمده 6 ليال الى يوم 21 سبتمبر .. وبعده ان شاء الله بنتوجه ل سانتاندير
حجزت بفندق ع البحر اسمه Chiqui 3 stars لمده 3 ليال
ونفس الشي بالرجعه لبرشلونه يوم 24 حاجزين بشقق Old Town Apartments
والسفر يوم 25 من برشلونه
الان المشكله اللي مقلقتني ومو مريحتني .. الروحه من برشلونه الى سانتاندير !
الطيران الروحه ب 30 يورو والرجعه ب 80 يورو حرام غالي
والقطارات غاليه الواحد تقريبا 120 يورو
والباصات اسعارها معقوله بس مشكلتها بالتوقيت .. يمشي يوم 21 بالليل ويوصل يوم 22 يعني اليوم الاول من الحجز ب سانتاندير طار
والرجعه نفس الشي ترجع يوم 25 اللي هو يوم سفرنا من برشلونه
مدري وش الحلول المتاحه غير اني استأجر سياره بس المشكلة اللي اشوف الناس تشتكي منها ان الرخصه الدولية مو معترف فيها ب اسبانيا !!
وماشفت اي تقارير عن مدينه سانتاندير ! ف هل احد سبق وزارها يقدر يفيدني بهالاشياء
بليز اخواني ساعدوني