مرحبا بنوته
تجدين أدناه رابط موضوع للأخ Banderino ذكر فيه جميع شركات تأجير السيارات في لبنان مع ارقام الهاتف والايميل للتواصل معهم مباشرةً.
https://artravelers.com/p/re/263618
بالنسبه للسعر فالواضح من عددكم أنكم لابد أن تستأجروا سياره كبيره, في هذه الحالة أعتقد أن 150 دولار معقولة واتمنى أن يفيدوك الاخوان الأكثر خبرة مني.
اما بالنسبة للبنزين فهذا نظام عالمي في جميع الدول في حال استلمتوا السياره فل بنزين يجب ان تسلموها فل وهذا شيء نحن غير متعودين عليه في الخليج.
أرجو أن تكون معلوماتي مفيده لك.

مرحباً اختي عيناويه
فالكار تايب مو موضح ايش نوع السياره !!
السياره سعرها نوعاً ما مناسب (بس على حسب ايش السياره)
وايضاً الأخ بندرينو ما قصر حاطط رابط فيه إيجار السيارات
وايضأ رابط آخر فيه عنواين سائقين ثقه فلبنان

مشكورين على التواصل وسرعه الرد ،، وفعلا انا تواصلت مع كذا شركه طلع البترول علينا ^______^ ظلمتهم !!
المهم حصلت عروض احلى مع شركات ثانيه ، بس المشكله ماالاحظ عندهم السيياير الكبيره نفس الكاديلاك او الانفنتيتي
بس على العموم مشكورين وماقصرتو

وصح بالنسبه لنوع السياره هذا اسمه حطه في القوقل بتطلع الصوره Renault Traffic
بس بصراحه ماحبيته لانه باص !! نحن اندور سياره

بنوته عيناويه
لو تدخلي بوابة لاشفر إلى لبنان
بتلاقي موضوع لمشرفنا بندرينو مثبت بعنوان (أرقام السائقين فيب لبنان)
فيه الأخ نادر رقمه تعامله جداً رائع وتوجد لديه السيارت اللي تبحثي عنها
وأي خدمه أحنا حاضرين

والله شوفي سعر 150 دولار معا سايق حلو بس يعتمد على نوع السياره
ومعروف البرتول عليكم ولازم ترجعونها تخلون فيها شوي بترول بس كم نصيحه مني لكم
لانكم اول مره
1 لاتخلينه يصب بترول بروحه (( لاتعطينه فلوس وتقولين له روح صب بترول وراجع لنا ))
2 لاحظي عداد البترول لانهم بعضهم ينزلونكم ويتمشون في السياره ويخلص البترول وكل يوم صبي فيها
3 لاحظو اذا كان يصب نفس المحطه يعني ياخذ نسبه له يبي لهم زباين لاحظي عداد المحطه كم
3 اذا قال لكم عن مطعم او شي تاكدي انة له نسبه والفاتوره بتغلى عليكم
انتو روحي على ذوقكم وحطو لكم برنامج واعتقد في المنتدى ماقصرو الشباب عن المطاعم
ما قول كلهم يسون هالحركات بس الاغلبيه والاحتياط واجب
(( اذا اكرمت الكريم اكرمك واذا اكرمت اللئيم تمردا))

مشكور بومراون ماتقصر ان شاءالله تتيسر امورنا ونستانس ^_______^